USD 416.91 EUR 446.47
RUB 7.34 CNY 62.53
جاڭالىقتار

الماتىدا ەرىكتىلەر كۇن سايىن كۇش قۇرىلىمدارىنا ىستىق تاماق تاراتادى

17 قاڭتار 13:06
:ءبولىسۋ
الماتىدا ەرىكتىلەر كۇن سايىن كۇش قۇرىلىمدارىنا ىستىق تاماق تاراتادى

الماتى. قازاقپارات - الماتى قالاسىنىڭ ءال- اۋقات باسقارماسىنىڭ باسشىسى نازيرا توعىزبايەۆا قالادا ىسكە اسىپ جاتقان قايىرىمدىلىق شارالارى تۋرالى ايتتى، دەپ حابارلايدى قازاقپارات ءتىلشىسى.

ول تۋرالى باسقارما باسشىسى الماتى اكىمدىگىنىڭ اپپاراتتىق كەڭەسىندە مالىمدەدى. ەڭ الدىمەن ول الماتىدا از قامتىلعان وتباسىلاردى، كۇش قۇرىلىمدارى جانە ۇكىمەتتىك ەمەس ۇيىمداردى قولداۋ شارالارىن ايتتى.

«الماتىدا 9-قاڭتاردان باستاپ «جاقسىلىق باستاۋى» قايىرىمدىلىق قورىمەن بىرلەسكەن تۇردە قۇقىق قورعاۋ ورگاندارى مەن ۇلتتىق ۇلاننىڭ 1455 قىزمەتكەرىن ىستىق تاماقپەن قامتاماسىز ەتۋ بويىنشا قايىرىمدىلىق اكتسياسى ءوتىپ جاتىر. ال «April Group» ج ش س- مەن بىرگە از قامتىلعان 200 وتباسىنا ازىق- تۇلىك جيىنتىعى ۇلەستىرىلدى»، - دەدى قالالىق ءال- اۋقات باسقارماسىنىڭ باسشىسى.

سونداي- اق، ونىڭ ايتۋىنشا ءماسليحات دەپۋتاتتارى مەن جاناشىر ازاماتتاردىڭ قارجىلاي قولداۋىمەن قايىرىمدىلىق شارالارى جالعاسىپ جاتىر.

«572 الەۋمەتتىك وسال وتباسى مەن قازاق زاعيپتار قوعامى، «انا ءۇيى» قوعامدىق قورى، «ريەۆانش» قوعامدىق قورى، «جانۇيا» داعدارىس ورتالىعى، «تين چەللەندج» ورتالىعى سەكىلدى ۇكىمەتتىك ەمەس ۇيىمدارعا 8 تونناعا جۋىق ازىق- تۇلىك ساتىپ الىندى»، - دەپ مالىمدەدى ول.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات