USD 416.91 EUR 446.47
RUB 7.34 CNY 62.53
جاڭالىقتار

بۇگىنگى كۇنگە دەيىن «قازاقستان حالقىنا» قورىنا قانشا قاراجات ءتۇستى

17 قاڭتار 13:57
:ءبولىسۋ
بۇگىنگى كۇنگە دەيىن «قازاقستان حالقىنا» قورىنا قانشا قاراجات ءتۇستى

نۇر- سۇلتان. قازاقپارات - «قازاقستان حالقىنا» قورى قازاقستاندىقتارعا كورسەتكەن قولداۋى ءۇشىن العىس ايتتى، دەپ حابارلايدى قازاقپارات.

«قازاقستان حالقىنا» قوعامدىق قورى مەملەكەت باسشىسى قاسىم- جومارت توقايەۆتىڭ دەنساۋلىق ساقتاۋ، ءبىلىم، الەۋمەتتىك سالا، مادەنيەت جانە سپورت سالالارىنداعى ناقتى ماسەلەلەردى شەشۋ جونىندەگى باستاماسىن قولداعان بارلىق قازاقستاندىقتارعا، ءىرى كاسىپورىندارعا، ەڭبەك ۇجىمدارىنا العىس ايتتى.

17- قاڭتار كۇنى تاڭەرتەڭ قوعامدىق قورعا 6519 قازاقستاندىقتان 10.1 ميلليون تەڭگە ءتۇستى.

«قازاقستان حالقىنا» قورى ارقىلى قايىرىمدىلىققا «Kaspibank» ا ق جانە ونىڭ قۇرىلتايشىلارى ۆياچەسلاۆ كيم مەن ميحايل لومتادزە - 10 ميلليارد تەڭگە، «حالىق» قايىرىمدىلىق قورى» ج ق - 2 ميلليارد تەڭگە، «ستەپنوگور تاۋ- كەن حيميا كومبيناتى» ج ش س - 350 ميلليون تەڭگە جانە باسقا دا زاڭدى تۇلعالار ەلەۋلى ۇلەس قوستى.

جالپى، زاڭدى تۇلعالاردان 12.36 ميلليارد تەڭگە ءتۇستى.

«قازاقستان رەسپۋبليكاسىنىڭ پرەمەر- ءمينيسترى ا. ءا. سمايىلوۆقا جانە ق ر پرەمەر- ءمينيسترى كەڭسەسىنىڭ، ق ر پرەزيدەنتى اكىمشىلىگىنىڭ جانە باسقا دا مەملەكەتتىك جانە جەكە ۇيىمداردىڭ قىزمەتكەرلەرىنە ءبىر كۇندىك جالاقىنى اۋدارۋ ارقىلى قورعا قولداۋ كورسەتكەنى ءۇشىن العىس بىلدىرەمىز» دەلىنگەن قور تاراتقان مالىمەتتە.

قور باسشىلىعى الىنعان بارلىق قارجى قاراجاتىنىڭ تولىق اشىقتىعى مەن ەسەپتىلىگى قامتاماسىز ەتەدى. اقشا قازاقستان حالقىنىڭ يگىلىگىنە، دەنساۋلىق ساقتاۋ، الەۋمەتتىك سالا، ءبىلىم بەرۋ، مادەنيەت جانە سپورت پروبلەمالارىن شەشۋگە باعىتتالاتىن بولادى. قور ورفاندىق جانە باسقا دا اۋرۋلارى بار، حالىقتىڭ الەۋمەتتىك وسال توپتارىنا مۇقتاج بالالارعا، قازا تاپقان اسكەري قىزمەتكەرلەردىڭ، قۇقىق قورعاۋ جانە ارنايى ورگاندار قىزمەتكەرلەرىنىڭ وتباسىلارىنا، سونداي- اق باسقا دا قايىرىمدىلىق ماقساتتارعا قولداۋ كورسەتەدى.

بيزنەس- قوعامداستىق وكىلدەرى، مەتسەناتتار جانە جاناشىر ازاماتتار «قازاقستان حالقىنا» قورىنىڭ شوتىنا كەلەسى دەرەكتەمەلەردىڭ ءبىرى بويىنشا قاراجات اۋدارا الادى:

- «قازاقستان حالقىنا» قوعامدىق قورى، ج س ن/ب س ن: 220140006999، ك ب ە 18، KZ97601A871001692501 KZT، «قازاقستان حالىق بانكى» ا ق؛

- «قازاقستان حالقىنا» قوعامدىق قورى، ج س ن/ب س ن: 220140006999، ك ب ە 18، KZ52722S000011856768 KZT، «Kaspibank» ا ق.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات