USD 416.91 EUR 446.47
RUB 7.34 CNY 62.53
جاڭالىقتار

«قارالى قاڭتار»: ق ر ءى ءى م وقيعا كۋاگەرلەرىنە ۇندەۋ جاسادى

17 قاڭتار 17:23
:ءبولىسۋ
«قارالى قاڭتار»: ق ر ءى ءى م وقيعا كۋاگەرلەرىنە ۇندەۋ جاسادى

نۇر-سۇلتان. قازاقپارات - ق ر ىشكى ىستەر مينيسترلىگى قاڭتارداعى قايعىلى وقيعا كۋاگەرلەرىنەن فوتو جانە ۆيدەوماتەريالدارمەن ءبولىسۋدى سۇرادى، دەپ حابارلايدى قازاقپارات ءتىلشىسى.

«ەگەر سىزدە فوتو جانە ۆيدەوماتەريالدار بولسا، وندا ونى قۇپيالىلىق شارتتارىمەن ارناۋلى سايتقا جىبەرە الاسىز. ءسىز ءبىر ءوتىنىم ارقىلى جىبەرىلەتىن فايلدىڭ ەڭ جوعارى كولەمى 100 م ب مولشەرىندە 5 فايلعا دەيىن جىبەرۋ مۇمكىندىگىڭىز بار»، - دەلىنگەن مينيسترلىكتىڭ حابارلاماسىندا.

سونىمەن ەلىمىزدىڭ بارلىق اۋماعىندا ورىن العان وقيعالار كەزىندە تۇسىرىلگەن ادامداردىڭ جينالۋى مەن شەرۋى، جاپپاي تارتىپسىزدىك، قارۋ قولدانۋ، بيلىك وكىلدەرىنە (ونىڭ ىشىندە پوليتسيا قىزمەتكەرلەرىنە، اسكەري قىزمەتشىلەرگە جانە تاعى باسقالارىنا) شابۋىل جاساۋ جانە سوققىعا جىعۋ، لۋازىمدىق وكىلەتتىگىن اسىرا پايدالانۋ، اكىمشىلىك عيماراتتارعا شابۋىل جاساۋ، اكىمشىلىك عيماراتتاردى باسىپ الۋ، ارناۋلى كولىك قۇرالدارىن تاسىپ الۋ، مۇلىكتى قيراتۋ جانە توناۋ ۆيدەولارىن ىشكى ىستەر مينيسترلىگىنە جىبەرۋگە بولادى.

ازاماتتاردىڭ ىڭعايى ءۇشىن ارناۋلى سايتقا كەلەسى جولدارمەن وتۋگە بولادى:

1) «102» موبيلدىك قوسىمشاسى. فوتو/ۆيدەو ماتەريالدار جولاعىنا 5 فايلعا دەيىن جۇكتەۋگە بولادى. فايلداردىڭ كولەمى 100 م ب- تان اسپاۋى كەرەك. Jpeg، jpg، png، gif، tiff، bmp، heic، heif، MP4، MOV، WMV، AVY ، AVHCD، FLV، F4V، MKV، WEBM، VOB، H.264، MotionJPEG (MJPEG) فورماتىنداعى فايلدار قابىلدانادى.

2) ق ر ءى ءى م Telegram-بوت. «تارتىپسىزدىكتەرگە قاتىستى فوتو/ۆيدەو جونەلتۋ» تۇيمەسىن باسقان كەزدە سايت سىلتەمەسى مەن ءوتۋ تۇيمەسى اشىلادى.

3) ق ر ءى ءى م پاراقشاسىنداعى ۆ ك- بوت. ق ر ءى ءى م پاراقشاسىنان جەكە حابارلاندىرۋعا ءوتۋ جانە «تارتىپسىزدىكتەرگە قاتىستى فوتو/ۆيدەو جونەلتۋ» تۇيمەسىن باسۋ قاجەت. سوندا سايت سىلتەمەسى مەن ءوتۋ تۇيمەسى اشىلادى.

4) ق ر ءى ءى م سايتىنىڭ وڭ جاق تومەنگى بۇرىشىندا ورنالاسقان ۆيدجەت. «تارتىپسىزدىكتەرگە قاتىستى فوتو/ۆيدەو جونەلتۋ» تۇيمەسىن باسۋ قاجەت.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات