USD 416.91 EUR 446.47
RUB 7.34 CNY 62.53
جاڭالىقتار

پرەزيدەنت ۇكىمەتكە تىم كوپ باسقارۋ قۇرىلىمدارىن قىسقارتۋ بويىنشا تاپسىرما بەردى

17 قاڭتار 17:41
:ءبولىسۋ
پرەزيدەنت ۇكىمەتكە تىم كوپ باسقارۋ قۇرىلىمدارىن قىسقارتۋ بويىنشا تاپسىرما بەردى

نۇر-سۇلتان. قازاقپارات - مەملەكەت باسشىسىنىڭ پىكىرىنشە، ۇكىمەت، ەڭ الدىمەن، تىم كوپ باسقارۋ قۇرىلىمدارىن قىسقارتۋمەن اينالىسۋى كەرەك.

سونىمەن قاتار مەملەكەت پەن حالىقتىڭ مۇددەسىنە باعىتتالعان تابىستاردى ارتتىرۋ ءۇشىن «سامۇرىق-قازىنا» مەن ۇكىمەت اراسىنداعى ءوزارا قاتىناستاردىڭ سيپاتىن وزگەرتۋ قاجەت.

بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي جەلىدەگى پاراقشاسىندا جازدى.

«وزدەرىڭىزگە ءمالىم، مەملەكەت باسشىسى قاسىم-جومارت توقايەۆ 11- قاڭتاردا وتكەن ءماجىلىستىڭ پلەنارلىق وتىرىسىندا «سامۇرىق-قازىنا» قورىنىڭ قىزمەتىن تولىعىمەن ترانسفورماتسيالاۋ قاجەت ەكەنىن ايتقان بولاتىن. قوردىڭ پورتفەلدى كومپانيالارى - ۇلتتىق ەكونوميكانىڭ جۇيە قۇراۋشى قۇرىلىمدارى. سوندىقتان قازىر ەكونوميكانى قۇرىلىمدىق جاعىنان قايتا قۇرۋ جانە رەسۋرستاردى ەل يگىلىگىنە باعىتتاۋ جونىندەگى مىندەتتەردىڭ ورىندالۋى قوردىڭ جۇمىسىنا بايلانىستى. مەملەكەت باسشىسىنىڭ پىكىرىنشە، ۇكىمەت، ەڭ الدىمەن، تىم كوپ باسقارۋ قۇرىلىمدارىن قىسقارتۋمەن اينالىسۋى كەرەك. سونىمەن قاتار مەملەكەت پەن حالىقتىڭ مۇددەسىنە باعىتتالعان تابىستاردى ارتتىرۋ ءۇشىن «سامۇرىق-قازىنا» مەن ۇكىمەت اراسىنداعى ءوزارا قاتىناستاردىڭ سيپاتىن وزگەرتۋ قاجەت. قاسىم-جومارت توقايەۆ ۇكىمەتتەن ەكونوميكانىڭ نەگىزگى سالالارىندا شىنايى باسەكەگە نەگىزدەلگەن ورتا قالىپتاستىرۋدى جانە قور مەن ۇلتتىق كومپانيالاردىڭ ساتىپ الۋ جۇيەلەرىنىڭ اشىقتىعىن قامتاماسىز ەتۋدى تالاپ ەتتى. پرەزيدەنتتىڭ پىكىرىنشە، مەملەكەت ەكونوميكاعا كوپ ارالاسا بەرمەۋى كەرەك جانە وسى تۇرعىدا «سامۇرىق-قازىنا» قورىنىڭ اكتيۆتەرىن جەكەشەلەندىرۋ ءىسىن جانداندىرۋى قاجەت. وسىعان وراي جەكەشەلەندىرۋ كەزىندە اشىقتىقتى ساقتاۋ ماڭىزدى. ونسىز ەكونوميكانى قۇرىلىمدىق تۇرعىدان قايتا قۇرۋ مۇمكىن ەمەس. پرەزيدەنت ۇكىمەتتەن جانە جەكەشەلەندىرۋ جونىندەگى مەملەكەتتىك كوميسسيادان ناقتى ۇسىنىستار مەن ءىس-ارەكەتتەر كۇتەدى»، - دەپ جازدى بەرىك ءۋالي.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات