USD 416.91 EUR 446.47
RUB 7.34 CNY 62.53
جاڭالىقتار

بانكتەر سالىق بورىشى وتەلگەن شوتتاردى ءوز بەتىمەن بۇعاتتان بوساتا الادى

17 قاڭتار 18:29
:ءبولىسۋ
بانكتەر سالىق بورىشى وتەلگەن شوتتاردى ءوز بەتىمەن بۇعاتتان بوساتا الادى

نۇر-سۇلتان. قازاقپارات - 2022-جىلدىڭ 1- قاڭتارىنان باستاپ بانكتەر سالىق بەرەشەگىن تولىقتاي وتەگەن كاسىپكەرلەر مەن زاڭدى تۇلعالاردىڭ شوتتارىن ءوز بەتىمەن بۇعاتتان بوساتۋعا مۇمكىندىك الدى، دەپ حابارلايدى قازاقپارات ءتىلشىسى.

بۇل تۋرالى مەملەكەتتىك كىرىستەر كوميتەتىنىڭ باسپا ءسوز قىزمەتى ءمالىم ەتتى.

دەگەنمەن، اڭگىمە بانك شوتتارىنىڭ شىعىس وپەراتسيالارى تۋرالى بولىپ وتىر.

«ەندى بانكتەر سالىق قارىزدارىن تولىقتاي تولەگەن كاسىپكەرلەر مەن زاڭدى تۇلعالاردىڭ بانك شوتتارىن وزدىگىنەن اشا الادى. قۇزىرلى ورگاننىڭ سالىق تولەۋشىنىڭ بانك شوتتارىنداعى شىعىس وپەراتسيالارىن توقتاتا تۇرۋ تۋرالى وكىمىندە كورسەتىلگەن بەرەشەك تولىق وتەلگەن جاعدايدا بانك سالىق ورگانىنىڭ وكىمدى كەرى قايتارىپ الۋىن كۇتپەي-اق شىعىس وپەراتسيالارىن دەربەس جاڭارتۋعا قۇقىلى»، - دەپ جازادى كوميەتتىڭ باسپا ءسوز قىزمەتى.

بۇل وزگەرىستەر 2022-جىلعى 1- قاڭتاردان باستاپ كۇشىنە ەندى.

ەسكە سالساق، 2021-جىلعى 1- شىلدەدەن باستاپ سالىق بەرەشەگى 18 مىڭ تەڭگەدەن كەم جەكە كاسىپكەرلەر مەن زاڭدى تۇلعالاردىڭ بانكتىك شوتتارى بۇعاتتاۋعا شەكتەۋ قويىلعان بولاتىن.

«بۇل وزگەرىستەر كاسىپكەرلىكتى قولداۋعا باعىتتالعان. سالىق زاڭناماسىنا (سالىق كودەكسىنىڭ 118-بابى) ەنگەن وزگەرىستە بويىنشا، زاڭدى تۇلعالاردىڭ، جەكە كاسىپكەرلەردىڭ جانە جەكە پراكتيكامەن اينالىساتىن ادامداردىڭ بانك شوتتارى بويىنشا شىعىس وپەراتسيالارى سالىق بەرەشەگى 6 ا ە ك (2022-جىلى 18,4 مىڭ تەڭگە) مولشەرىنەن اسىپ كەتكەن جاعدايدا عانا توقتاتىلا تۇرادى»، - دەلىنگەن رەسمي تۇسىندىرمەدە.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات