USD 416.91 EUR 446.47
RUB 7.34 CNY 62.53
جاڭالىقتار

ۇكىمەت ەلدەگى الەۋمەتتىك- ەكونوميكالىق احۋالدى تۇراقتاندىرۋ جونىندەگى جوسپاردىڭ جوباسىن بەكىتتى

18 قاڭتار 09:56
:ءبولىسۋ
ۇكىمەت ەلدەگى الەۋمەتتىك- ەكونوميكالىق احۋالدى تۇراقتاندىرۋ جونىندەگى جوسپاردىڭ جوباسىن بەكىتتى

نۇر- سۇلتان. قازاقپارات - بۇگىن ۇكىمەت وتىرىسىندا ۇلتتىق ەكونوميكا ءمينيسترى الىبەك قۋانتىروۆ «قازاقستان رەسپۋبليكاسىنداعى الەۋمەتتىك- ەكونوميكالىق جاعدايدى تۇراقتاندىرۋ جونىندەگى جەدەل ءىس- قيمىلدار جوسپارىن بەكىتۋ تۋرالى» ق ر ۇكىمەتى قاۋلىسىنىڭ جوباسىن تانىستىردى، دەپ حابارلايدى قازاقپارات ءتىلشىسى.

«مەملەكەت باسشىسىنىڭ تاپسىرماسىن ورىنداۋ ماقساتىندا ۇلتتىق ەكونوميكا مينيسترلىگى ورتالىق مەملەكەتتىك ورگاندارمەن جانە ۇيىمدارمەن بىرلەسىپ، «قازاقستان رەسپۋبليكاسىنداعى الەۋمەتتىك- ەكونوميكالىق جاعدايدى تۇراقتاندىرۋ جونىندەگى جەدەل ءىس- قيمىلدار جوسپارىن بەكىتۋ تۋرالى» قازاقستان رەسپۋبليكاسىنىڭ ۇكىمەتى قاۋلىسىنىڭ جوباسىن ازىرلەدى. جوسپار قوعامدىق ءتارتىپ پەن قاۋىپسىزدىكتى قالپىنا كەلتىرۋ، الەۋمەتتىك جانە باسقا دا ينفراقۇرىلىمدار، الەۋمەتتىك ماسەلەلەر، باعانىڭ نەگىزسىز وسۋىنە جول بەرمەۋ، حالىق پەن كاسىپكەرلىكتى قولداۋ ءارى ۇيىمداستىرۋ- قارجى ماسەلەلەرى بويىنشا 51 ءىس- شارادان تۇرادى»، - دەدى الىبەك قۋانتىروۆ.

ونىڭ ايتۋىنشا، قوعامدىق ءتارتىپ پەن قاۋىپسىزدىكتى، الەۋمەتتىك جانە باسقا دا ينفراقۇرىلىمدى قالپىنا كەلتىرۋ باعىتى بويىنشا جوسپاردا 11 ءىس- شارا كوزدەلگەن.

«وسىلايشا، مەملەكەت باسشىسىنىڭ كۇش قۇرىلىمدارى قىزمەتكەرلەرىنىڭ جاۋىنگەرلىك ازىرلىگىن ارتتىرۋ جانە مورالدىق رۋحىن قولداۋ، زاقىمدالعان جىلجىمايتىن مۇلىك وبەكتىلەرىن، سونداي- اق كۇش قۇرىلىمدارىنىڭ، دەنساۋلىق ساقتاۋ، ءبىلىم بەرۋ جانە كوممۋنالدىق شارۋاشىلىق سالالارىنىڭ ماتەريالدىق- تەحنيكالىق بازاسىن قالپىنا كەلتىرۋ جونىندەگى تاپسىرمالارىن ىسكە اسىرۋ كوزدەلگەن»، - دەدى مينيستر.

بۇدان بولەك، الەۋمەتتىك ماسەلەلەر باعىتى بويىنشا 10 ءىس- شارانى ىسكە اسىرۋ جوسپارلانۋدا. ولار جاراقات العان ءتيىستى ورگانداردىڭ قىزمەتكەرلەرىنە وتەماقى تولەۋدى، قازا تاپقان وسى ورگاندار مەن بەيبىت ازاماتتاردىڭ وتباسىلارىنا كومەك كورسەتۋدى، بيزنەس پەن حالىققا بورىش جۇكتەمەسىن ازايتۋ شارالارىن، مۇقتاج ازاماتتارعا تۇرعىن ءۇي كومەگىن كورسەتۋدىڭ جاڭا ءتارتىبى مەن تەتىگىن ەنگىزۋدى قامتيدى.

«باعانىڭ نەگىزسىز وسۋىنە جول بەرمەۋ باعىتىندا 15 ءىس- شارانى ىسكە اسىرۋ جوسپارلانعان. بۇل ءىس- شارالار سۇيىتىلعان مۇناي گازىن وتكىزۋدىڭ جاڭا تەتىگىن ازىرلەۋدى، الەۋمەتتىك ماڭىزى بار ازىق- تۇلىك تاۋارلارىنىڭ باعالارىن تۇراقتاندىرۋ جونىندەگى فورۆاردتىق تەتىكتەردى قارجىلاندىرۋدى ۇلعايتۋدى جانە كومىر باعاسىنىڭ وسۋىنە جول بەرمەۋ شارالارىن قامتيدى. حالىقتى جانە كاسىپكەرلىكتى قولداۋ باعىتى بويىنشا 7 ءىس- شارانى ىسكە اسىرۋ كوزدەلگەن. ماسەلەن، باستالعان سالىقتىق تەكسەرۋلەردى، كەدەندىك تەكسەرۋلەردى 2022 -جىلعى 1-اقپانعا دەيىنگى مەرزىمدە توقتاتا تۇرۋ جانە كەيىنگە قالدىرۋ، كادەگە جاراتۋ الىمىنىڭ مولشەرلەمەلەرى مەن تاسىلدەرىن قايتا قاراۋ، 2022 -جىلعى 20 -ساۋىرگە دەيىنگى كەزەڭگە قۇرىلىستاردى كوشىرۋگە، ورنالاستىرۋعا، بۇزۋعا بايلانىستى اتقارۋشىلىق ارەكەتتەردى جۇرگىزۋگە ۋاقىتشا تىيىم سالۋدى ەنگىزۋ جوسپارلانۋدا»، - دەدى ۆەدومستۆو باسشىسى.

ونىڭ سوزىنە قاراعاندا، ۇيىمداستىرۋ- قارجىلىق ماسەلەلەر باعىتى بويىنشا 8 ءىس- شارانى ىسكە اسىرۋ جوسپارلانۋدا. ولار تەڭگەگە دەگەن سەنىم تولىق قالپىنا كەلگەنشە ۆاليۋتا نارىعىنىڭ تۇراقتىلىعىن قامتاماسىز ەتۋدى، باتىس وڭىرلەر ءۇشىن الەۋمەتتىك- ەكونوميكالىق دامۋدىڭ كەشەندى جوسپارلارىن ازىرلەۋدى نەمەسە وزەكتىلەندىرۋدى، جاپپاي تارتىپسىزدىكتەر سالدارىن جويۋ جونىندەگى ءىس- شارالاردى قارجىلاندىرۋمەن قامتاماسىز ەتۋ ءۇشىن 2022 -جىلعا ارنالعان رەسپۋبليكالىق بيۋدجەتتى ناقتىلاۋدى قامتيدى.

«ۇسىنىلعان جەدەل ءىس- قيمىل جوسپارى مەملەكەت باسشىسىنىڭ تاپسىرمالارىن ەسكەرە وتىرىپ، الداعى بىرنەشە ايدا مەملەكەتتىك ورگانداردىڭ ءتيىستى مىندەتتەردى ۇيلەستىرە شەشۋىنە باعىتتالعان. جوسپاردى ىسكە اسىرۋ ەلدەگى ەكونوميكالىق احۋالدى قالپىنا كەلتىرۋگە جانە كۇندەلىكتى ومىرگە قايتا ورالۋعا الىپ كەلەدى. جوبا قارجى، ادىلەت مينيسترلىكتەرىمەن، سونىمەن قاتار باسقا مەملەكەتتىك ورگاندار مەن ۇيىمدارمەن كەلىسىلدى»، - دەدى الىبەك قۋانتىروۆ.

تالقىلاۋدان كەيىن ۇكىمەت مۇشەلەرى اتالعان قۇجات جوباسىن ماقۇلدادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات