USD 429.57 EUR 447.35
RUB 6.94 CNY 63.23
جاڭالىقتار

ەلورداعا ريەۆاكسيناتسيادان وتەتىندەر ءۇشىن «سپۋتنيك لايت» پرەپاراتى جەتكىزىلدى

21 قاڭتار 22:13
:ءبولىسۋ
ەلورداعا ريەۆاكسيناتسيادان وتەتىندەر ءۇشىن «سپۋتنيك لايت» پرەپاراتى جەتكىزىلدى

نۇر-سۇلتان. قازاقپارات - ەلوردا اكىمدىگىنىڭ قوعامدىق دەنساۋلىق ساقتاۋ باسقارماسىنىڭ قويماسىنا «سپۋتنيك لايت» ۆەكتورلىق ۆاكسيناسى جەتكىزىلدى.

10 مىڭ دوزا مولشەرىندە ءبىرىنشى پارتيا كەلدى، ول ءبىر كومپونەنتتى بولىپ سانالادى، دەپ حابارلايدى قازاقپارات قالا اكىمدىگىنە سىلتەمە جاساپ.

قالالىق دەنساۋلىق ساقتاۋ باسقارماسى بۇل ۆاكسينا تەك حالىقتى ريەۆاكسينالاۋعا، ياعني تولىق يممۋنداۋ مەرزىمى اياقتالعاننان كەيىن قايتا ۆاكسيناتسيادان وتۋگە ارنالعانىن اتاپ ءوتتى.

العاشقى ۆاكسيناتسيا كەزىندە QazVac، Sinopharm، Hayat-Vac، Sinovac ەكپەسىن العاندارعا «سپۋتنيك لايت» پرەپاراتىمەن ريەۆاكسيناتسيا جاساتۋعا بولادى.

«ۆاكسينا ارنايى مۇزداتقىشپەن جەتكىزىلىپ، تەمپەراتۋراسى 18- گرادۋس جانە ودان تومەن مۇزداتقىش جابدىققا ورنالاستىرىلدى. ەمحانالارعا بۇل ۆاكسينا تىركەلگەن حالىق سانىن ەسكەرە وتىرىپ بولىنەدى. مەديتسينالىق-سانيتارلىق العاشقى كومەك ۇيىمدارىنىڭ ۆاكسيناتسيا پۋنكتەرىندە جانە ساۋدا ورتالىقتارىندا («كەرۋەن» س و و، «ابۋ دابي پلازا»، «ازيا پارك»، «ەۋرازيا» س ءۇ) ريەۆاكسيناتسيادان وتۋگە بولادى»، - دەدى اكىمدىكتەن.

وسىلايشا، ەلوردادا ريەۆاكسيناتسياعا ارنالعان مىناداي ەكپەلەر بار: QazVac، Sinopharm جانە سپۋتنيك Light. Pfizer پرەپاراتىمەن ءتيىستى كونتينگەنت، سونداي-اق 60 جاستان اسقاندار مەن مەديتسينا قىزمەتكەرلەرى ريەۆاكسيناتسيا جاساتا الادى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات