USD 429.57 EUR 447.35
RUB 6.94 CNY 63.23
جاڭالىقتار

ءاليحان سمايىلوۆ: ۇكىمەتتىڭ الدىندا تۇرعان ەڭ اۋىر مىندەتتىڭ ءبىرى - ينفلياتسيانى تومەندەتۋ

21 قاڭتار 21:44
:ءبولىسۋ
ءاليحان سمايىلوۆ: ۇكىمەتتىڭ الدىندا تۇرعان ەڭ اۋىر مىندەتتىڭ ءبىرى - ينفلياتسيانى تومەندەتۋ

نۇر-سۇلتان. قازاقپارات - ق ر پرەمەر-ءمينيسترى ءاليحان سمايىلوۆ ءىرى بيزنەس وكىلدەرىن تاۋار تاسىمالىنىڭ لوگيستيكاسىن قايتا قاراۋ تۋرالى ايتتى، دەپ حابارلايدى قازاقپارات ءتىلشىسى.

«ءىرى كاسىپكەرلىكتىڭ قازاقستان ەكونوميكاسىنداعى ۇلەسى - %48. سوندىقتان بۇل سەگمەنتتىڭ جاۋاپكەرشىلىگى دە زور. ۇكىمەت بيزنەستىڭ، ونىڭ ىشىندە ءىرى بيزنەستىڭ دە دامۋىنا قولايلى جاعداي جاساۋ ءۇشىن ءتيىستى شارالاردى قابىلدايدى. جاھاندى جايلاعان داعدارىستان كەيىنگى ءبىزدىڭ الدىمىزدا تۇرعان ەڭ ماڭىزدى ماسەلەنىڭ ءبىرى - ماكروەكونوميكالىق تۇراقتىلىقتى قامتاماسىز ەتۋ. ۇكىمەت پەن ۇلتتىق بانكتىڭ بىرلەسكەن ساياساتى وسى ماقساتقا باعىتتالادى»، - دەدى ول پرەزيدەنتتىڭ ءىرى بيزنەس وكىلدەرىمەن كەزدەسۋىندە.

ونىڭ ايتۋىنا قاراعاندا، قازىر ۇكىمەتتىڭ الدىندا تۇرعان ەڭ اۋىر مىندەتتىڭ ءبىرى - ينفلياتسيا دەڭگەيىن تومەندەتۋ.

«ءبىرىنشى كەزەكتە، اۋىل-شارۋاشىلىق ونىمدەرىن ءوندىرۋ، ىشكى نارىقتى ازىق-تۇلىكپەن تولىقتىرۋ جانە ازىق-تۇلىك قاۋىپسىزدىگىن قامتاماسىز ەتۋ جولعا قويىلىپ جاتىر. مەزگىل ارالىق كەزەڭدە ينفلياتسيا قىسىمى مەن سىرتقى فاكتورلاردىڭ اسەرىن تومەندەتۋ ءۇشىن ءتيىستى لوگيستيكا جۇيەسىن قۇرۋ وتە ماڭىزدى. ءىرى كاسىپكەرلەردى وسى جۇمىسقا قاتىسۋعا شاقىرامىز. ۇكىمەت ءىرى بيزنەس وكىلدەرىمەن ءوزارا بىرلەسىپ جۇمىس ىستەۋگە قاشان دا دايىن ەكەنىن ايتقىم كەلەدى»، - دەدى پرەمەر-مينيستر.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات