USD 431.41 EUR 452.94
RUB 6.92 CNY 63.83
جاڭالىقتار

نۇر-سۇلتان اۋەجايىندا اۋە كەمەسىندە قارۋدى الىپ ءجۇرۋ بويىنشا اقىلى قىزمەت كۇشىن جويدى

26 قاڭتار 18:59
:ءبولىسۋ
نۇر-سۇلتان اۋەجايىندا اۋە كەمەسىندە قارۋدى الىپ ءجۇرۋ بويىنشا اقىلى قىزمەت كۇشىن جويدى

نۇر-سۇلتان. قازاقپارات - ءبىرىنشى ساتىداعى سوت نۇر-سۇلتان اۋەجايىنىڭ اۋە كەمەسىنىڭ بورتىنا قارۋدى الىپ ءجۇرۋ بويىنشا اقىلى قىزمەتىنىڭ كۇشىن جويدى، دەپ حابارلايدى قازاقپارات.

بۇل ءىستى سوتتا قاراۋعا رەسپۋبليكالىق «قانسونار» رەسپۋبليكالىق اڭشىلار قاۋىمداستىعىنىڭ باسەكەلەستىكتى قورعاۋ جانە دامىتۋ اگەنتتىگىنە 2021-جىلعى 14 - شىلدەدەگى ءوتىنىشى نەگىز بولدى.

وتىنىشتە «نۇرسۇلتان نازاربايەۆ حالىقارالىق اۋەجايى» ا ق تاراپىنان اۋە كەمەسىنە قارۋ مەن ونىڭ وق-دارىلەرىن الىپ ءجۇرۋ بويىنشا قىزمەت كورسەتكەنى ءۇشىن ق قس- تى ەسكەرە وتىرىپ، 15000 تەڭگە مولشەرىندە قوسىمشا اقى الۋ تۋرالى ءسوز بولدى.

بۇل رەتتە اۋە كەمەسىندە قارۋ الىپ جۇرگەنى ءۇشىن كورسەتىلەتىن قىزمەتتىڭ قۇنىن اۆياكومپانيالار اۋە بيلەتىنىڭ قۇنىنا قوسىپ تا قويادى. ناتيجەسىندە نۇرسۇلتان نازاربايەۆ اۋەجايىندا جولاۋشىلار ءدال سول قىزمەت ءۇشىن - اۋەجاي مەن اۆياكومپانياعا ەكى ەسە تولەم جاساۋعا ءتيىس بولادى.

ءوتىنىشتى قاراۋ شەڭبەرىندە اگەنتتىك بۇل قىزمەت ەلوردالىق حالىقارالىق اۋەجاي قىزمەتىنىڭ جەكە ءتۇرى رەتىندە مونوپولياعا قارسى ورگانمەن كەلىسىلمەگەنىن انىقتادى.

بۇرىن استانا حالىقارالىق اۋەجايى اۆياتسيالىق قاۋىپسىزدىكتى قامتاماسىز ەتۋ بويىنشا رەتتەلىپ كورسەتىلەتىن قىزمەت شەڭبەرىندە وسى قىزمەتتى كورسەتكەن بولاتىن.

باسەكەلەستىكتى قورعاۋ جانە دامىتۋ اگەنتتىگى تاراپىنان ماتەريالدار باس كولىك پروكۋراتۋراسىنا جىبەرىلدى.

نۇر-سۇلتان قالاسى بويىنشا اۆياتسيالىق كولىك پروكۋراتۋراسى ماتەريالداردى قاراۋ ناتيجەلەرى بويىنشا وسى قىزمەتتىڭ زاڭسىزدىعى تۋرالى نارازىلىق شىعاردى، وعان «نۇرسۇلتان نازاربايەۆ حالىقارالىق اۋەجايى» ا ق تاراپىنان وسى شەشىممەن كەلىسپەيتىنى تۋرالى سوتقا تالاپ ارىز بەرىلدى.

اعىمداعى جىلعى 6 - قاڭتاردا نۇر-سۇلتان قالاسىنىڭ مامانداندىرىلعان اۋدانارالىق اكىمشىلىك سوتى نۇر-سۇلتان قالاسىنىڭ اۋەجايىندا كورسەتىلەتىن اۋە كەمەسىندە قارۋ-جاراق پەن ونىڭ وق-دارىلەرىن الىپ ءجۇرۋ بويىنشا اقىلى قىزمەتتى الىپ تاستاۋ تۋرالى اۆياتسيالىق پروكۋراتۋرانىڭ تالابىن قاناعاتتاندىرۋ تۋرالى شەشىم شىعاردى.

سوت شەشىمى ءالى كۇشىنە ەنگەن جوق.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات