ماجىلىسمەندەر الماتىدا قاڭتار قىرعىنىندا زارداپ شەككەن كاسىپكەرلەرمەن كەزدەستى
24 اقپان 20:24

ماجىلىسمەندەر الماتىدا قاڭتار قىرعىنىندا زارداپ شەككەن كاسىپكەرلەرمەن كەزدەستى

الماتى. قازاقپارات - الماتىعا جۇمىس ساپارى اياسىندا ق ر پارلامەنتى ءماجىلىسىنىڭ دەپۋتاتتارى ايدوس سارىم، ايگۇل قۇسپان جانە جۇلدىز سۇلەيمەنوۆا قاڭتار ايىنداعى وقيعالار كەزىندە زارداپ شەككەن كاسىپكەرلەرمەن كەزدەسىپ، زالالدى وتەۋ بويىنشا تولەمدەر مەن وتەماقىنى جەدەلدەتۋدىڭ وزەكتى ماسەلەلەرىن تالقىلادى، - دەپ حابارلايدى قازاقپارات ءتىلشىسى.

زارداپ شەككەن كاسىپورىنداردىڭ ءبىرى «DasAutoServise « ج ش س . اۆتوسەرۆيس يەسى كيريل ناگيەۆ 6 جىل بويى اۆتوموبيلدەردى جوندەۋمەن جانە اۆتوبولشەكتەردى ساتۋمەن اينالىسادى جانە مۇندا اتالعان جەردى جالعا الادى. ولار ورىن العان جاعدايدان كەيىن جالاقى الماعان.

«ءبىزدىڭ اۆتوسەرۆيسىمىزدە كليەنتتەردىڭ 9 عا جۋىق كولىگى بولدى، بارلىعى ورتەندى. ولار دا تەكسەرۋدەن ءوتىپ، زالالدى وتەۋگە ءوتىنىش بەرەدى. ءبىز شىعىن سوماسىن تەك 40 ميلليون تەڭگەگە دالەلدەي الدىق، ءوتىنىم قازىر ماقۇلداۋ كەزەڭىندە. بارلىق قۇجاتتار مەن دياگنوستيكالىق جابدىقتاردىڭ دا جانىپ كەتكەننىڭ سالدارىنان دالەلدەي الماعانىمىز قانشاما»، - دەدى كيريل ناگيەۆ.

جاپپاي تارتىپسىزدىك كەزىندە اۆتوسەرۆيستە بولعان اۆتوكولىك يەلەرىنىڭ وتىنىشتەرى ەلەكتروندىق پلاتفورمادا جەكە تىركەلگەن، ولار قاراۋ بارىسىندا. سونىمەن قاتار، جاپپاي تارتىپسىزدىك بارىسىندا 2 كولىك ۇرلاندى. اۆتوسەريس عيماراتىنىڭ وزىنە كەلەتىن بولساق، قازىرگى ۋاقىتتا عيماراتتىڭ قولدانىستاعى پارامەترلەرىن ساقتاي وتىرىپ، قايتا قۇرۋعا ارنالعان جوبالىق-سمەتالىق قۇجاتتاما ازىرلەنۋدە.

الايدا يەسى ج س ق جانە ساراپتامالىق قورىتىندى ءۇشىن قارجىلىق تۇرعىدا تولەۋ مۇمكىندىگى جوق ەكەنىن جەتكىزدى.

«بۇل جاعدايدىڭ كۇردەلىلىگى نەدە، مۇندا يەسى بىرەۋ، ءبىراق ءبىر بيزنەس اياسىندا 10 نان استام قوسالقى جالعا الۋشى جۇمىس ىستەيدى. بۇل كەيس بويىنشا بىزدە تۇسىنىستىك بار - ەڭ باستىسى، كاسىپكەردە الداعى جوسپاردىڭ كورىنىسى پايدا بولدى. ءبىز اۋدان اكىمدىگىمەن كەلىسكەنىمىز بويىنشا بۇگىن-ەرتەڭ يەسىنە ناقتى جوسپار-كەستە ۇسىنىلادى: قاشان، قاي مەرزىمدە، قانداي ساراپتامالار جۇرگىزۋ كەرەكتىگىندە. ءبىز دە مۇنى باقىلاۋعا الامىز، قالالىق قىزمەتتەردىڭ جۇمىسىن جەدەلدەتەتىن بولامىز»، - دەدى ماجىلىسمەن ايدوس سارىم.

جاڭالىقتار