مۇعالىمگە بالاعات سوزدەر ايتقان وقۋشىعا حاتتاما تولتىرىلدى - مينيسترلىك
12 ناۋرىز 15:05

مۇعالىمگە بالاعات سوزدەر ايتقان وقۋشىعا حاتتاما تولتىرىلدى - مينيسترلىك

تالدىقورعان. قازاقپارات - ق ر ءبىلىم جانە عىلىم مينيسترلىگى الماتى وبلىسى تالدىقورعان قالاسىنداعى 4№ مەكتەپتە بولعان وقيعاعا قاتىستى مالىمەت بەردى، دەپ حابارلايدى قازاقپارات.

«11- ناۋرىز كۇنى بيولوگيا ساباعىندا 2005-جىلى تۋعان وقۋشى مۇعالىمگە بالاعات سوزدەر ايتىپ، قاتتى داۋىسپەن سويلەسكەن. مۇعالىم تالدىقورعان قالاسىنىڭ پوليتسيا بولىمىنە ارىز جازدى. قازىرگى تاڭدا وقۋشىعا قاتىستى ق ر ا ق ب ت ك- ءنىڭ 434-بابىنىڭ 1-بولىگى (ۇساق بۇزاقىلىق) بويىنشا اكىمشىلىك حاتتاما تولتىرىلدى. شەشىمدى الماتى وبلىسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتى قابىلدايدى»، - دەدى مينيسترلىكتىڭ باسپا ءسوز قىزمەتىنەن.

ق ر ب ع م كامەلەتكە تولماعان بالالاردىڭ ءىس-ارەكەتى ءۇشىن اتا-انالاردىڭ جاۋاپكەرشىلىگى قاراستىرىلعانىن ەسكە سالادى.

«وسى ىسكە بايلانىستى وقۋشىنىڭ اتا-اناسىن جاۋاپكەرشىلىككە تارتۋ ءۇشىن اكىمشىلىك ءىس قوزعالدى. سونىمەن قاتار بەلگىلەنگەن تارتىپپەن وقۋشىنى ەسەپكە قويۋ جانە وعان پسيحولوگيالىق كومەك كورسەتۋ تۋرالى ماسەلە دە قارالادى. ايتا كەتەيىك، مۇعالىمدەرگە دەگەن مۇنداي كوزقاراسقا جول بەرىلمەيدى. تەك مۇعالىمدەر عانا ەمەس، اتا-انالار دا بالالارمەن قوعامدا ءوزىن قالاي ۇستاۋ كەرەگى تۋرالى اڭگىمەلەر جۇرگىزۋى ماڭىزدى»، - دەلىنگەن ق ر ب ع م باسپا ءسوز قىزمەتى تاراتقان حابارلامادا.

جاڭالىقتار