ايەلدىڭ قولىنداعى امىرلىك
4 مامىر 12:45

ايەلدىڭ قولىنداعى امىرلىك

نۇر- سۇلتان. قازاقپارات - ەركەك پەن ايەل. بىرىنەن ءبىرى اجىرامايتىن قوس ۇعىم.

الەمدىك دەڭگەيدەگى ۇلى شىعارمالاردى ايەل زاتىنىڭ قاتىسىنسىز ەلەستەتىپ كورىڭىزشى.

وندا ادامزاتتىڭ بولمىسى تولىقتاي اشىلماس ەدى. ال ادام بولمىسىن اشا الماعان تۋىندىنىڭ ۇلى بولۋى مۇمكىن ەمەس قوي. ونىڭ سەبەبى نەدە؟ ونىڭ سەبەبى، ايەلدىڭ قولىندا مارتەبەلى الەمنىڭ ءناپ-نازىك كىلتى بار. ءبىراق ول كىلتتىڭ قولىندا تۇرعانىنا داندايسىعان سىرعالىمداردىڭ ءمۇلت كەتىپ قاتەلەسكەن شاقتارى كوپ.

سەبەبى نازىك جاراتىلىس يەسىنىڭ اينالاسىنا دەگەن ويى مەن كوزقاراسى ءبىر رۋلى ەلدى تاتۋلاستىرۋعا، ءبىر ەلدى «قاتۋلاستىرۋعا» جەتىپ جاتىر. اقىل ايتۋدان اسقان وڭاي دۇنيە جوق شىعار. ءبىراق پسيحولوگتاردىڭ زەرتتەۋلەرىنە زەر سالىپ كورىڭىزشى. مەنىڭ پىكىرىمە كەلىسەتىن بولاسىز.

جاعىمسىز جاقتارىنان باستاساق...

ايەلى قالاي ويلاسا، كۇيەۋى سونداي بولادى. كۇندەلىكتە كۇيبەڭ تىرشىلىكتە ونىڭ جەتىسپەۋشىلىك جاقتارىن كورە بەرسە، ونداي جاعى ەكى ەسەلەنە كوبەيە بەرەدى. ءتىپتى ەر ازاماتتا كۇش- قۋات، جىگەرلى بولىپ، جاقسى جولداس بولۋعا تالپىنسا دا قاتارداعى جاي جاۋىنگەردەن اسپاي قالادى.

ەگەر ايەل كۇيەۋىن سىيلاماسا، ونى ەشكىم سىيلامايتىن بولادى. ماسەلەن، تۋىسقاندارى، جولداستارى جانە ارىپتەستەرى. جولداسىن سىيلاماي، وعان كورىنبەيتىن جاعىمسىز اتاۋلار ياعني مىنەزدەمە بەرسە، اينالاسىنداعى ادامدار دا سونداي قارىم- قاتىناستا بولادى. بىلمەستىكتىڭ كەسىرىنەن وسىنداي باستاماعا بارسا، اياعى نەگە كۇيەۋىم بۇنداي بولدى دەگەن تاڭدانىسپەن اياقتالادى.

ەگەر ايەل كۇيەۋىنە سەنبەسە - وندا وعان ەشكىم سەنبەيتىن بولادى. ءتىپتى ول ادام تولىققاندى سەنىمگە لايىقتى بولسا دا، اينالاسىنداعى ادامدار سەنىمسىز قارايتىن بولادى. ال بۇدان كەيىن كۇيەۋدە قانداي ورلەۋ مەن بيىكتىكتەن كورىنەتىن تالىپىنىس بولسىن؟

ەگەر ايەلدىڭ ەشتەڭەگە كوڭىلى تولماي جۇرسە، وندا وتباسىندا ءوزى قالاعانداي جاعداي ەشقاشان ورنامايدى. ءتىپتى، كەشكى اس، كيەتىن كيىم جانە دەمالىس ورىندارى دا وعان سۇرعۇلت تۇستەردەن تۇراتىن كوڭىلسىز مەكەن بولىپ كورىنۋى مۇمكىن. ءتىپتى كۇيەۋىڭىزدىڭ اتا-انالارى دا ءبىر ءتۇرلى بوتەندىك تانىتاتىن سەكىلدى كورىنۋى مۇمكىن.

ەگەر ايەل كۇيەۋىم بۇدان دا جاقسى بولسا دەپ ساناسا، وندا ونىڭ ەڭ ءبىرىنشى بولىپ كۇيەۋىنىڭ كوزىنە ءشوپ سالعانىمەن بىردەي. بۇنداي كەزدە ءبىرىنشى بولىپ وتاناسى كۇيەۋىنە جامان ارەكەتكە بارۋىنا جول اشىپ بەرەدى. ءبىراق ونى ءوزى دە بايقاماي قالۋى مۇمكىن. وسىدان بارىپ، «كۇيەۋلەر» فيزيكالىق تۇرعىدا، وزگەلەرگە بارۋىن باستايدى.

ەگەر ايەلى شىن جۇرەگىمەن، شىن نيەتىمەن كۇيەۋىنە قىزمەت ەتپەسە، سونىمەن قاتار ونى جان جىلۋىمەن جىلىتا الماسا، وندا ول وزگە جاننان نەمەسە اراق-شاراپتان، ناشاقورلىقتان «جىلۋ» ىزدەيدى.

ەگەر ايەل كۇيەۋىنە ەر جىگىتتىك ىسپەن اينالىسۋىنا مۇمكىندىك بەرمەسە - جولداستارىمەن سىرلاسۋعا، بالىققا شىعۋعا جانە باسقا دا ىستەرمەن اينالىسۋىنا كەدەرگى كەلتىرسە، وندا ول ىشكىلىككە، كومپيۋتەرلىك ويىنعا، تەمەكى شەگۋگە بولماسا كوڭىل كوتەرەرلىك وزگە ىستەرگە دەن قويا باستايدى.

ەگەر ايەل جولداسىنىڭ سىرىمەن بولىسپەسە، وندا ول ساراڭ قىزعانشاق بولادى. ونداي كەزدە ول ادامننان گۇل تۇرماق، قىستا قار سۇراپ تا الا المايسىز. وسىلايشا ايەلى كۇيەۋىنە دەگەن جۇرەگىندەگى جولدى جابادى. ال كۇيەۋى وعان ەشقانداي اقشا ۇستاتپايدى.

ەگەر ايەل دەربەس تاۋەلسىز بولسا، ەشكىمنىڭ كومەگىنە جۇگىنبەسە - وندا كۇيەۋى جاۋاپكەرشىلىكسىز بولادى. ءتىپتى وسىعان دەيىن بارىنە جاقسى جاۋاپ بەرەتىن بولسا دا، ونىڭ اقىرىنداپ يكەمى جوعالا باستايدى. بوساڭسىپ ديۆانعا جاتۋعا تىرىسادى.

ەگەر ايەل رەنجىگىش بولسا، وندا كۇيەۋى اشۋلانشاق بولادى.

ەگەر ايەل كۇيەۋىن تىڭداۋدى قويسا ءھام ۇنەمى ەرەگەسسە، وندا ول ۇيدەن داۋ كەتپەيدى. كۇيەۋى ايەلىن سىيلاۋدان قالادى. وتباسى جاۋاپكەرشىلىكسىز جانە بالالار كەرەكسىز بولىپ كالادى.

ەگەر ايەل ۇنەمى كۇيەۋىنە كۇشتەۋ، وزبىرلىق كورسەتسە؛ مىسالى، باسىن بولمايتىن نارسەمەن قاتىرسا، بولمايتىن نارسەلەرگە داۋىس كوتەرسە ت. س. س. وندا كۇيەۋىندە ەكى نۇسقا قالادى:

نە ايەلجاندى، نە بولماسا ۇنەمى ايەلىنە كۇش كورسەتۋ جانە قورقىتۋمەن بولادى.


ال جاعىمدى جاقتارىنا كەلسەك!

ەگەر ايەل كۇيەۋىنىڭ جاقسى جاقتارىنا ءمان بەرىپ، كوڭىل بولسە - ولار بىرگە وسەدى جانە كوبەيەدى. (ءتىپتى ەشقانداي نەگىزسىز بولسا دا. جاۋاپكەرشىلىك الماسا دا). سونىمەن قاتار، باسشىلىققا ۇمتىلماسا دا، اياق-اسىتىنان باستىق بولۋى دا مۇمكىن. ت. س. س.

ەگەر ايەل كۇيەۋىن سىلاسا، ونى جولداستارى جانە ارىپتەستەرى سىيلايدى. ولار ءارقاشاندا قيىنشىلىق كەزدەر بولسا قولداپ، ودان شىعۋىنا كومەكتەسەدى.

ەگەر ايەل كۇيەۋىنە سەنسە - وعان اينالاسىنداعى ادامدار دا سەنەدى.

ەگەر ايەل كۇيەۋىنەن ەش نارسە جاسىرماسا جانە الداماسا، جۇرەگىن اشسا - وندا كۇيەۋى دە الداي المايدى جانە وپاسىزدىق جاسامايدى.

ەگەر ايەل كۇيەۋىن شىن جۇرەگىمەن جاقسى كورسە، وندا ول جومارت بولادى. سونىمەن قاتار، ايەلىنىڭ ءارقاشاندا كوڭىلىن كوتەرۋگە جانە باقىتتى ەتۋگە تىرىسادى.

ەگەر ايەل كۇيەۋىنە شىن نيەتىمەن قىزمەت ەتە بىلسە، وندا ول بار ىنتا- جىگەرمەن ءوز قامقورلىعىنا الادى، سونىمەن قاتار، قامىن ويلاپ، قورعاپ جۇرەدى.

ەگەر ايەل كۇيەۋىنىڭ اشۋىن سابىرلىقپەن ءتۇسىنىپ، ونى باسسا - وندا ول تاۋ قوپارادى. ول ءۇشىن كۇيەۋدىڭ جاقسى جاقتارىن كورە ءبىلۋ كەرەك.

ەگەر ايەل وتباسىن وشاق قاسىن ساقتاپ قالامىن دەسە جانە بار كۇش - جىگەرىن سالسا، كۇيەۋىندە دە سونداي ىقىلاس تۋادى. جاقسىلىق جاعىنان كۇيەۋى ءارقاشاندا جانىنان تابىلادى.

پسيحولوگ ەرمەك نۇرىموۆتىڭ اۋدارماسى


جاڭالىقتار