اسپيريننىڭ ءسىز بىلمەيتىن پايدالارى كوپ
18 مامىر 09:45

اسپيريننىڭ ءسىز بىلمەيتىن پايدالارى كوپ

نۇر- سۇلتان. قازاقپارات - بۇل ءدارىنىڭ تەك اۋىرعاندا عانا ەمەس، باسقا دا جاعدايلاردا پايداسى كوپ.

كيىمگە تۇسكەن داقتاردى كەتىرەدى. 100 م ل. سۋدا 2 تابلەتكانى ەزىپ، كيىمنىڭ داق تۇسكەن جەرىن ىسقىلاپ، 3 ساعاتقا قالدىرادى. سودان سوڭ كيىمدى ادەتتەگىدەي جۋادى.

ىدىس- اياققا ارنالعان قۇبىردىڭ كەيدە تولىپ قالاتىنى بار. ول ءۇشىن بىرنەشە اسپيريندى سىركە قىشقىلىمەن ارالاستىرىپ قۇبىرعا تاستاپ قويىڭىز. ازدان سوڭ كرانداعى سۋدى اعىزىپ جىبەرسەڭىز، قۇبىرىڭىزدىڭ تازالانىپ قالعانىن بايقايسىز.

ماسا، ارا شاققان جەرگە اسپيريندى قويسا (سۋمەن، ءتىس پاستاسىمەن ارالاستىرىپ جاقسا دا بولادى) تەرىنىڭ اۋىرعانى، قىزارعانى، قىشىعانى باسىلادى.

تەرى كۇتىمىنە:

تەرىدەگى بەزەۋ، قارا داقتاردى كەتىرىپ، تەرىنى تەپ- تەگىس، جۇمساق ەتەدى. ول ءۇشىن اسپيرين تابلەتكاسىن سۋمەن ارالاستىرىپ بەتكە جاعىپ، 5-10 مينۋتتان سوڭ جۋىپ تاستايدى. بال نەمەسە قايماق ارالاستىرىپ، ماسكالار جاساۋعا دا بولادى.

شاش كۇتىمىنە:

- اسپيرين قىشقىل بولعاندىقتان شاشتىڭ ارتىق مايلانۋىنان ارىلتادى، جىلتىراتىپ، جۇمساق ءارى تەگىس ەتەدى. قايىزعاقتان ارىلۋ ءۇشىن بىرنەشە تابلەتكانى ەزىپ، سۋسابىنعا ارالاستىرىپ شاشىڭىزدى جۋاسىز. الايدا اسپيريندى ءالسىز، سىنعىش، قۇرعاق شاشتارعا قولدانۋعا بولمايدى.



جاڭالىقتار