ماسكەۋدىڭ ارحيۆىنەن قازاق حاندارى جازعان حاتتار تابىلدى
19 مامىر 17:11

ماسكەۋدىڭ ارحيۆىنەن قازاق حاندارى جازعان حاتتار تابىلدى

نۇر-سۇلتان. قازاقپارات - رەسەيدىڭ سىرتقى ساياسات ارحيۆىندە XVII- XIX عاسىرلاردا جازىلعان قازاق حاندارىنىڭ حاتتارى ساقتالعان، دەپ حابارلايدى قازاقپارات.

بۇل تۋرالى قولجازبالار جانە سيرەك كىتاپتار ۇلتتىق ورتالىعىنىڭ ديرەكتورى ج. بولدىكوۆ باستاعان توپ ارحيۆ ىستەرى جانە قۇجاتتامانى باسقارۋ كوميتەتىنىڭ قولداۋىمەن رەسەيدىڭ ماسكەۋ قالاسىنا ساپارىندا بەلگىلى بولدى.

«ارحيۆ-2025» جوسپارىن ىسكە اسىرۋ ماقساتىنداعى ءىس ساپاردا ماماندار ونداعى ارحيۆتەر مەن كىتاپحانالارداعى قازاقستان تاريحىنا قاتىستى قۇندى دەرەكتەردى ەلگە اكەلەدى.

قازىرگى تاڭدا ورتالىق ديرەكتورى، PhD دوكتور ج. بولدىكوۆ پەن عىلىمي قىزمەتكەرلەر ك. پاريمبەكوۆا، گ. بيسەنوۆا، ز. دۇكەنبايەۆا، گ. وتەپوۆا، ن. ابەلدينوۆتەر ساقتالعان ماڭىزدى قۇجاتتاردى زەرتتەپ-زەردەلەۋدە.

«زەرتتەۋشىلەر ەلىمىزدىڭ تاريحىنا قاتىستى جازبا مۇرالار مەن قۇندى قۇجاتتار تاپقان. اتاپ ايتقاندا، رەسەي مەملەكەتتىك كىتاپحاناسىنان ەل تاريحىنا قاتىستى 47 مىڭعا جۋىق ادەبيەت الىنسا، رەسەي مەملەكەتتىك تاريحي-كوپشىلىك كىتاپحاناسىنان XVII عاسىرعا تيەسىلى ليتوگرافيالىق كىتاپتار مەن سيرەك جازبا مۇرالار انىقتالدى. 4 عاسىرلىق تاريحى بار رەسەي مەملەكەتتىك اسكەري-تاريحي ارحيۆىنىڭ قورىن زەرتتەۋ بارىسىندا جەر ماسەلەسىنە قاتىستى قۇجاتتار، كارتالار مەن بۇيرىقتار بەلگىلى بولدى. ال سىرتقى ساياسات ارحيۆىندە XVII- XIX عاسىردا جازىلعان قازاق حاندارىنىڭ حاتتارى ساقتالعان»، - دەلىنگەن ۆەدومستۆو حابارلاماسىندا.

جاڭالىقتار