اۆتوبۋستا وقۋشى قىزعا تيىسكەن كۇدىكتى ۇستالدى
20 مامىر 15:32

اۆتوبۋستا وقۋشى قىزعا تيىسكەن كۇدىكتى ۇستالدى

نۇر- سۇلتان. قازاقپارات - ەلوردا تۇرعىنى اۆتوبۋستا بەلگىسىز ەر ادامنىڭ 12 جاستاعى قىزىنا تيىسكەنىنە شاعىمداندى، دەپ حابارلايدى قازاقپارات ءتىلشىسى.

قالا تۇرعىنى Instagram پاراقشاسىندا كۇدىكتىنىڭ سۋرەتىن دە، ۆيدەوسىن دا جاريالاپ وتىر. ونىڭ جازۋىنشا، كۇدىكتى قوعامدىق كولىكتە قىزىنىڭ جامباسىنان سيپاعان. قىزى ودان الىسقا بارىپ تۇرسا دا، ول قاسىنا كەلىپ ارەكەتىن تاعى قايتالاعان. كۇدىكتىنى وقۋشى قىزدىڭ اناسىنا شالعان ۆيدەقوڭىراۋى عانا توقتاتقان. قىزدىڭ اناسى ورىن العان وقيعا جايىندا پوليسياعا دا شاعىم تۇسىرگەن. نۇر- سۇلتان قالالىق پوليتسيا دەپارتامەنتى وسى شاعىم نەگىزىندە كۇدىكتىنىڭ ۇستالعانىن مالىمدەپ وتىر.

«2022 -جىلدىڭ 19 مامىرى كۇنى ساعات 20:12-دە «سارىارقا» اۋداندىق پوليتسيا باسقارماسىنا قوعامدىق كولىكتە كامەلەتتىك جاسقا تولماعان قىزعا تيىسكەن بەلگىسىز ەر ادامعا قاتىستى شارا قولدانۋ تۋرالى شاعىم ءتۇستى. قازىرگى ۋاقىتتا اتالعان ادام ۇستالىپ، تەرگەۋ امالدارى جۇرگىزىلىپ جاتىر»، - دەپ مالىمدەدى دەپارتامەنتتەن.

اۆتور: مارلان جيەمباي


جاڭالىقتار