الداعى ءۇش كۇن سالقىن جانە جاڭبىرلى بولادى – قازگيدرومەت
25 مامىر 18:32

الداعى ءۇش كۇن سالقىن جانە جاڭبىرلى بولادى – قازگيدرومەت

نۇر- سۇلتان. قازاقپارات - 26- مامىردا تۇندە جانە تاڭەرتەڭ باتىستا، 27-28- مامىردا سولتۇستىك- باتىستا، سولتۇستىكتە توپىراق بەتىندە 2 گرادۋسقا دەيىن اياز بولۋى مۇمكىن، دەپ حابارلايدى قازاقپارات «قازگيدرومەتكە» سىلتەمە جاساپ.

«رەسەيدىڭ ەكاتەرينبۋرگ ايماعىنان شىققان تسيكلون رەسپۋبليكا اۋماعى بويىنشا سولتۇستىك- شىعىسقا قاراي جىلجۋىن جالعاستىرادى جانە ەلدىڭ سولتۇستىك، ورتالىق، وڭتۇستىك ايماقتارىندا اۋا رايى تۇراقسىز بولادى. جاڭبىر جاۋادى. 26 -مامىردا سولتۇستىك- باتىستا، 27-28 -مامىردا وڭتۇستىك پەن وڭتۇستىك- شىعىستا، 28- مامىردا ورتالىقتا»،-دەپ بولجايدى سينوپتيكتەر.

سونىمەن قاتار، ورتالىقتا نايزاعاي ويناپ، جەلدىڭ كۇشەيۋى، بۇرشاق جاۋۋى مۇمكىن. ال، سولتۇستىك- باتىس انتيتسيكلونىنىڭ باسىپ كىرۋىنە بايلانىستى، باتىستا جاۋىن- شاشىننىڭ توقتاۋى، قالعان اۋماقتاردا اۋا تەمپەراتۋراسىنىڭ تومەندەۋى ىقتيمال. ماسەلەن، سولتۇستىكتە توپىراق بەتىندە 2 گرادۋسقا دەيىن اياز بولۋى مۇمكىن.


جاڭالىقتار