جاڭا بەلەس: قازاقستان مەن قىرعىزستان باسشىلارى قانداي كەلىسىمگە كەلدى
26 مامىر 21:02

جاڭا بەلەس: قازاقستان مەن قىرعىزستان باسشىلارى قانداي كەلىسىمگە كەلدى

نۇر- سۇلتان. قازاقپارات - بيىل قازاقستان مەن قىرعىزستان ەلدەرىنىڭ ديپلوماتيالىق قاتىناس ورناتقانىنا 30 جىل تولىپ وتىر.

شيرەك عاسىردان استام ۋاقىت بويى قوس مەملەكەت بارلىق سالادا ءوزارا بايلانىستى نىعايتۋعا باسا نازار اۋدارىپ كەلەدى. اسىرەسە، ەكونوميكا، مادەنيەت، ينۆەستيتسيا سالاسىنداعى ىنتىماقتاستىق جىل وتكەن سايىن ارتىپ جاتىر. ماسەلەن، بىلتىر ەكى ەل اراسىنداعى تاۋار اينالىمى 1 ميلليارد دوللاردى قۇرادى. ەندىگى ماقسات - تاۋار اينالىمىن 2 ميلليارد دوللارعا دەيىن جەتكىزۋ بولىپ وتىر.

قازاقستان تاراپى سوڭعى 15 جىلدا كورشى ەلگە 1 ميلليارد دوللاردان استام تىكەلەي ينۆەستيتسيا قۇيعان. بۇگىن 30 جىل بويىنا ەكى ەل اراسىندا مىقتاپ ورنىققان دوستىق، ديپلوماتيالىق قاتىناستى ودان ءارى نىعايتىپ، ەكونوميكا، مادەنيەت، ءبىلىم، ينۆەستيتسيا سالاسىنداعى بايلانىستى دامىتۋ ءۇشىن قازاقستان پرەزيدەنتى قاسىم- جومارت توقايەۆ پەن قىرعىز پرەزيدەنتى سادىر جاپاروۆ بىشكەكتە كەلىسسوز جۇرگىزدى. بۇگىنگى كەلىسسوزدەر بارىسىندا كوتەرىلگەن ماسەلەلەر جونىندە قازاقپارات ءتىلشىسىنىڭ ماتەريالىنان وقي الاسىزدار.

ديپلوماتيالىق قارىم- قاتىناسقا 30 جىل

ەكى ەل اراسىنداعى ديپلوماتيالىق قارىم- قاتىناس وسىدان 30 جىل بۇرىن، ياعني 1992 -جىلى 15-قازاندا ورناعان. وسى ۋاقىت ىشىندە ەكىجاقتى ىنتىماقتاستىق اياسىندا 180 نەن استام كەلىسىمشارتقا قول قويىلعان. ولاردىڭ ىشىندە ەڭ ماڭىزدى قۇجات رەتىندە 1997 -جىلعى 8-ساۋىردەگى ماڭگىلىك دوستىق تۋرالى شارت جانە 2003 -جىلعى 25-جەلتوقسانداعى وداقتاستىق قاتىناستار تۋرالى شارتتى اتاپ وتۋگە بولادى.

قوس ەلدىڭ ەكىجاقتى ءوزارا ءىس- قيمىلى ءبىرقاتار ينستيتۋتسيونالدى بازيستەر شەڭبەرىندە جۇزەگە اسىپ وتىر. اتاپ ايتساق:

- مەملەكەت باسشىلارى باسقاراتىن جوعارى مەملەكەتارالىق كەڭەس؛

- ۇكىمەت باسشىلارى باسقاراتىن قىرعىز- قازاقستان ۇكىمەتارالىق كەڭەسى؛

- ەكى ەلدىڭ سىرتقى ىستەر مينيسترلەرىنىڭ كەڭەسى.

باۋىرلاس ەكى ەلدىڭ حالىقارالىق ساياساتتاعى ءبىرقاتار ماسەلەگە قاتىستى ۇستانىمدارى ۇقساس. قازاقستان مەن قىرعىزستان بىرىككەن ۇلتتار ۇيىمى، ەۋروپاداعى قاۋىپسىزدىك جانە ىنتىماقتاستىق ۇيىمى، تاۋەلسىز مەملەكەتتەر دوستاستىعى، ۇجىمدىق قاۋىپسىزدىك تۋرالى شارت ۇيىمى، ەۋرازيالىق ەكونوميكالىق وداق جانە شانحاي ىنتىماقتاستىق ۇيىمى اياسىندا تىعىز بايلانىس ورناتقان.

تاۋار اينالىمى 2 ميلليارد دوللارعا جەتكىزىلمەك

قازاقستان - قىرعىزستاننىڭ جەتەكشى ساۋدا- ەكونوميكالىق جانە ينۆەستيتسيالىق سەرىكتەستەرىنىڭ ءبىرى. سوڭعى جىلدارى ەكى مەملەكەت اراسىنداعى ساۋدا- ەكونوميكالىق ىنتىماقتاستىق سەرپىندى تۇردە دامىپ كەلەدى. 2015 -جىلى قىرعىزستان ە ا ە و- عا كىرگەننەن كەيىن ءوزارا ساۋدا كورسەتكىشتەرى ايتارلىقتاي ارتقان. ماسەلەن، ەكى ەل اراسىنداعى تاۋار اينالىمى 2021 -جىلى 970,8 ميلليون دوللاردى قۇراپ، 2020 -جىلمەن سالىستىرعاندا %14 عا وسكەن (625,2 ميلليون دوللار). ال ەكسپورت %7,6- عا (625 ميلليون دوللار)، يمپورت %29,2 عا (345,6 ميلليون دوللار) ارتقان. سوڭعى مالىمەتتەرگە سۇيەنسەك، 2022 -جىلعى قاڭتار- مامىر ارالىعىندا تاۋار اينالىمى 206,3 ميلليون دوللارعا جەتىپ، وتكەن جىلدىڭ سايكەس كەزەڭىمەن سالىستىرعاندا %2,9 عا (200,6 ميلليون دوللار) وسكەن. مەملەكەت باسشىسى قاسىم- جومارت توقايەۆتىڭ بۇگىنگى قىرعىزستانعا رەسمي ساپارى بارىسىندا ەكى مەملەكەت اراسىنداعى تاۋار اينالىمىن 2 ميلليارد دوللارعا جەتكىزۋ جوسپارلانىپ وتىرعانى بەلگىلى بولدى.

قىرعىز پرەزيدەنتى سادىر جاپاروۆپەن كەڭەيتىلگەن قۇرامداعى كەلىسسوزى كەزىندە قازاقستان پرەزيدەنتى بىلاي دەدى: «ءبىرقاتار ۋاعدالاستىققا قول جەتكىزدىك. قازىر الەمدەگى احۋال كۇردەلى ەكەنىن بىلەسىزدەر. وسىنداي قيىن كەزەڭدە كۇش جۇمىلدىرۋ وتە ماڭىزدى. قازاقستان - قىرعىز ەلىنىڭ نەگىزگى ساۋدا جانە ينۆەستيتسيا سالاسىنداعى سەرىكتەسىنىڭ ءبىرى. بىلتىر ءوزارا تاۋار اينالىمى 1 ميلليارد دوللارعا جەتتى. قازاقستان سوڭعى 15 جىلدا قىرعىز ەلىنە 1 ميلليارد دوللاردان استام تىكەلەي ينۆەستيتسيا قۇيدى. ونىڭ ىشىندە الەۋمەتتىك ماڭىزى زور جوبالار دا بار. جالپى، ەكونوميكالىق ىقپالداستىقتى ودان ءارى وركەندەتۋگە الەۋەتىمىز جەتەدى. ءبىز ساۋدا كولەمىن جاقىن ارادا 2 ميلليارد دوللارعا جەتكىزۋگە كەلىستىك».

2005 -جىلدان باستاپ ەلىمىزدىڭ قىرعىزستانعا سالعان تىكەلەي ينۆەستيتسياسىنىڭ كولەمى 1,352 ميلليارد دوللاردى، ال قىرعىزستاننان قازاقستانعا قۇيىلعان ينۆەستيتسيا كولەمى 97,1 ميلليون دوللاردى قۇراپ وتىرعانىن اتاپ وتكەن ءجون. قىرعىزستاندا قازاقستاندىق كاپيتالدىڭ قاتىسۋىمەن 334 بىرلەسكەن كاسىپورىن تىركەلگەن. قازاقستاندا قىرعىز كاپيتالىنىڭ قاتىسۋىمەن وسىنداي 247 كاسىپورىن جۇمىس ىستەيدى. ەگەر قىرعىزستاندا كاسىپورىندار نەگىزىنەن قارجى، تاۋ- كەن ءوندىرىسى، تاماق ءوندىرىسى، ساۋدا، كولىك جانە بايلانىس، سونىمەن قوسا قۇرىلىس جانە جوندەۋ سالالارىندا شوعىرلانعان. ال قازاقستاندا ولار كوتەرمە جانە بولشەك ساۋدا، قۇرىلىس، اۆتوموبيل ساتۋ، ءىرى قارا مال ءوسىرۋ، ءداندى جانە بۇرشاقتى داقىلداردى ءوسىرۋ، ماقتا تالشىقتارىن دايىنداۋ، باسپا سەكىلدى سالالاردا قىزمەت ىستەپ ءجۇر.


ەكسپورت جانە يمپورت

بۇگىنگى كەزدەسۋدە قازاق پرەزيدەنتى بۇگىندە ساۋدا- لوگيستيكالىق يندۋستريالىق كەشەننىڭ نەگىزى قالانعانىنا توقتالىپ، بۇل قادام وندىرىستىك بايلانىستار مەن ساۋدا- ساتتىقتى جانداندىرۋعا جول اشاتىنىن اتاپ ءوتتى. قاسىم- جومارت توقايەۆتىڭ سوزىنشە، ەكى ەل اراسىنداعى ءوزارا ساۋدا اينالىمىن قىسقا مەرزىمدە ەداۋىر ۇلعايتۋعا مۇمكىندىك مول. قازىردىڭ وزىندە قازاقستان قىرعىزستانعا يمپورتتالاتىن جۇزدەگەن تاۋار ءتۇرىن ۇسىنا الادى. سونىمەن قوسا قازاقستان ونەركاسىپ ونىمدەرىن جانە باسقا دا تاۋارلاردى ەكسپورتتاۋعا دايىن ەكەنىن تىلگە تيەك ەتتى.

«بۇعان «Kazexport» كومپانياسى قولداۋ كورسەتەدى. قىرعىز ەلىنىڭ دە قازاقستانعا شىعاراتىن ونىمدەرى از ەمەس. وسى ورايدا قولدا بار مۇمكىندىكتەردى بارىنشا پايدالانامىز دەپ ۋاعدالاستىق. سونداي- اق ازاماتتاردىڭ شەكارادان ءوتۋىن جەڭىلدەتۋگە باسا نازار اۋداردىق. جۇك تاسىمالى راسىمدەرىن جەتىلدىرۋ جايىن پىسىقتادىق. سوڭعى جىلدارى بۇل باعىتتا ءبىرقاتار اۋقىمدى ءىس- شارالار اتقارىلدى. بىلتىر «قورداي» بەكەتى جاڭارتىلىپ، جولاۋشىلارعا ساپالى قىزمەت كورسەتىلە باستادى. باسقا دا بەكەتتەردى جاڭعىرتۋ تۋرالى كەلىسىمدەر بار. باستى ماقسات - شەكاراداعى تەكسەرىستەردى ازايتىپ، كولىك كەپتەلىسىن جويۋ»، - دەپ تولىقتىردى قازاقستان پرەزيدەنتى.

سوڭعى ستاتيستيكالىق مالىمەتتەرگە سۇيەنسەك، قازاقستاننان ەكسپورتتالعان ءونىم كولەمى %7,6 عا (625 ميلليون دوللار)، ال يمپورت %29,2 عا (345,6 ميلليون دوللار) ارتقان.

ىستىقكول وبلىسىندا كۇن ەنەرگياسى ستانتسياسى سالىنادى

بۇگىندە قازاقستاندا شەتەلدىك ينۆەستورلارعا جاقسى جاعداي جاسالىپ وتىر. مەملەكەت باسشىسى قاسىم- جومارت توقايەۆ قىرعىز پرەزيدەنتىمەن كەزدەسۋى بارىسىندا شەتەل ينۆەستورلارىنىڭ مۇددەسىن قورعاۋ ءىسى جالعاساتىنىن اتاپ ءوتتى. سونىمەن قاتار ول كەزدەسۋدە قازاقستان كاپيتالىنىڭ قاتىسۋىمەن ىستىقكول وبلىسىندا كۇن ەنەرگياسى ستانتسياسىن سالۋ جوسپارلانىپ وتىرعانىن تىلگە تيەك ەتتى. جوبانىڭ قۇنى - 300 ميلليون دوللار. بۇدان بولەك قاسىم- جومارت توقايەۆ سۋ- ەنەرگەتيكا سالاسىنداعى قارىم- قاتىناستى ۇيلەستىرۋ ماسەلەسىنىڭ دە ماڭىزدى باعىتتاردىڭ ءبىرى ەكەنىن اتاپ ءوتتى.

«سۋ تاپشىلىعى ماسەلەسى جىلدان جىلعا كۇردەلەنىپ كەلەدى. بەدەلدى حالىقارالىق ەكولوگيالىق ۇيىمدار وسىنداي بولجام جاساپ وتىر. سۋ كەلەشەكتە كوپ بولمايدى، تاپشى بولادى. بۇل - انىق نارسە. سوندىقتان ورتالىق ازيا مەملەكەتتەرى بىرلەسكەن جۇمىستاردى قولعا الۋى قاجەت. ەكى ەلگە ورتاق وزەندەر ءاردايىم جۇرتتى جاقىنداستىرا تۇسۋگە دانەكەر بولۋى كەرەك. قازاقستان بارلىق مىندەتتەمەلەرىن تولىق ورىنداۋعا جانە ماڭىزدى جوبالاردى بىرلەسە ىسكە اسىرۋعا دايىن»، - دەپ باس ايتىپ ءوتتى ق ر پرەزيدەنتى.

بىشكەكتە ءال- فارابي اتىنداعى قاز ۇ ۋ- دىڭ فيليالى اشىلماق

ءبىلىم سالاسىنداعى ىقپالداستىق 2006 -جىلعى 4-شىلدەدەگى قازاقستان ۇكىمەتى مەن قىرعىزستان ۇكىمەتى اراسىنداعى ءبىلىم بەرۋ سالاسىنداعى ىنتىماقتاستىق تۋرالى كەلىسىم نەگىزىندە ىسكە اسىپ وتىر.

كەلىسىمگە سايكەس، قوس تاراپ جىل سايىن قىرعىزستان مەن قازاقستان ازاماتتارىنىڭ ەكى ەلدىڭ جوعارى وقۋ ورىندارىندا وقۋى ءۇشىن ءبىلىم بەرۋ گرانتتارىن بولەدى. جىل سايىن ج و و- دا بيۋدجەتتىك وقىتۋ ءۇشىن بولىنەتىن كۆوتالار سانىن ارتتىرۋ جونىندە دە ۋاعدالاستىق بار. بۇگىنگى ەكى ەل پرەزيدەنتتەرىنىڭ بىشكەكتەگى كەزدەسۋىندە دە ءبىلىم سالاسىن دامىتۋ، مادەني- گۋمانيتارلىق بايلانىستى نىعايتۋ ماسەلەسى دە تىس قالعان جوق.

جالپى بىلتىر قىرعىزستان پرەزيدەنتى سادىر جاپاروۆتىڭ قازاقستانعا ساپارى كەزىندە ەكى ەلدىڭ جاستارىن جاقىنداستىرا تۇسەتىن ءبىرقاتار ۋاعدالاستىققا قول قويىلعان ەدى. بىشكەكتە وتكەن كەلىسسوز بارىسىندا قاسىم- جومارت توقايەۆ سونى ەسكە سالىپ، ءبىلىم سالاسىنداعى بىرلەسكەن جوبالارعا توقتالدى.

«بۇگىن بىشكەكتە ءال- فارابي اتىنداعى قازاق ۇلتتىق ۋنيۆەرسيتەتىنىڭ فيليالى اشىلادى. بۇدان بولەك ءبىز جاس عالىمدار ءۇشىن ءتۇرلى گرانتتار تاعايىندادىق. ولاردىڭ وزىق عىلىمي يدەيالارىنا مەملەكەت تاراپىنان قولداۋ كورسەتىلەدى. مەن مادەني- گۋمانيتارلىق بايلانىستى نىعايتۋ ءۇشىن ەكى ەل زيالىلارىنىڭ فورۋمىن جىل سايىن وتكىزۋدى ۇسىندىم»، - دەدى قاسىم- جومارت توقايەۆ.

ايتا وتەيىك، 2019 -جىلى قازاقستاننىڭ جوعارى وقۋ ورىندارىندا قىرعىزستاننىڭ مىڭعا جۋىق ستۋدەنتى، ال قىرعىزستاننىڭ جوعارى وقۋ ورىندارىندا 2 مىڭ قازاقستاندىق ستۋدەنت ءبىلىم الدى. الايدا پاندەميا مەن ەنگىزىلگەن شەكتەۋلەرگە بايلانىستى ستۋدەنتتەر سانى ازايدى.

اقپارات جانە مادەنيەت سالاسىنداعى بايلانىس مادەني- گۋمانيتارلىق ىنتىماقتاستىق - ەكىجاقتى قارىم- قاتىناستىڭ ماڭىزدى سالاسىنىڭ ءبىرى. قىرعىزستان مەن قازاقستاندا ەكى ەلدىڭ زيالى قاۋىمى مەن جۇرتشىلىعى وكىلدەرىنىڭ قاتىسۋىمەن كورمەلەر، ونەر ادامدارانىڭ كونتسەرتتەرى، حالىقارالىق عىلىمي كونفەرەنتسيالار مەن سيمپوزيۋمدار تۇراقتى تۇردە وتكىزىلىپ تۇرادى.

ماسەلەن، قازاقستان مەن قىرعىزستان م. اۋەزوۆتىڭ 100 -جىلدىعىن، قۇرمانعازىنىڭ 175 -جىلدىعىن، ابايدىڭ 150 -جىلدىعىن، جامبىلدىڭ 150 -جىلدىعىن، «ماناس» ەپوسىنىڭ 1000 جىلدىعىن، ت. ساتىلعانوۆتىڭ 150 جىلدىعىن، ءا. توقومبايەۆ پەن ش. ايتماتوۆتىڭ مەرەيتويلارىن بىرلەسىپ تويلادى.

جالپى قوعامدىق، گۋمانيتارلىق بايلانىستاردى دامىتۋدا قازاقستانداعى قىرعىز دياسپوراسى دا ءوز ءرولىن اتقارىپ وتىر. 2004 -جىلى قازاقستاندا قىرعىز ۇلتتىق مادەني ورتالىعى تىركەلگەن ەدى. قازىر ول نۇر- سۇلتان قالاسىنداعى قىرعىز ەتنومادەني بىرلەستىگى رەتىندە جۇمىس ىستەپ تۇر. سونداي- اق تاراز قالاسىنداعى «ماناس- اتا» قىرعىز ۇلتتىق- مادەني ورتالىعى جانە اقتاۋ قالاسىنداعى «الا- ج ش س»، الماتى قالاسىنداعى «مەكەن»، «قىرعىز- اتا» جانە «ماناس- اتا» قىرعىز ۇلتتىق ەتنومادەني ورتالىقتارى ءوز قىزمەتتەرىن جۇزەگە اسىرىپ، ەكى ەل اراسىنداعى مادەني بايلانىستى نىعايتۋعا ۇلكەن ۇلەس قوسىپ وتىر.

قىرعىزستان مەن قازاقستان اراسىنداعى ىنتىماقتى اقپارات سالاسىنداعى بىرلەسكەن جۇمىستار نىعايتىپ تۇر. بۇل ىستە ەكى مەملەكەتتىڭ ءبىر- ءبىرىن ۇنەمى قولداپ وتىراتىنىن ايتا كەتۋ كەرەك. قازاقستان مەن قىرعىزستاننىڭ بۇقارالىق اقپارات قۇرالدارى حالىقارالىق ۇيىمدار (تۇركى مەملەكەتتەرى ۇيىمى، ش ى ۇ، ۇ ق ش ۇ، ە ا ە و، ازيا- تىنىق مۇحيتى ءوڭىرىنىڭ جاڭالىقتار اگەنتتىكتەرىنىڭ ۇيىمى (و ا ن ا)، ت م د- عا مۇشە مەملەكەتتەردىڭ اقپارات اگەنتتىكتەرى ۇيىمى جانە ت. ب. ) ۇيىمداستىراتىن ءتۇرلى ءىس- شارالارعا تۇراقتى تۇردە قاتىسادى.

ەكى ەلدىڭ بۇقارالىق اقپارات قۇرالدارىنىڭ اراسىنداعى تىعىز ىنتىماقتاستىققا مىسال رەتىندە قىرعىزستاننىڭ «كابار» جانە قازاقستاننىڭ «قازاقپارات» اقپارات اگەنتتىكتەرىنىڭ ءوزارا ءىس- قيمىلىن اتاپ وتۋگە بولادى.

بىشكەكتە قانداي قۇجاتتارعا قول قويىلدى؟

جالپى ەكى ەلدىڭ ساۋدا- ەكونوميكالىق بايلانىسىنىڭ جاي- كۇيى مەن پەرسپەكتيۆالارى ەكى ەلدىڭ مەملەكەت، ۇكىمەت جانە سىرتقى ساياسي ۆەدومستۆولارىنىڭ باسشىلارى دەڭگەيىندە، سونداي- اق سالالىق مينيسترلىكتەر مەن ۆەدومستۆولاردىڭ باسشىلارى دەڭگەيىندە ۇنەمى تالقىعا ءتۇسىپ وتىرادى. مەملەكەت باسشىلارىنىڭ رەسمي ساپارلارى بارىسىندا دا ءبىرقاتار قۇجاتتارعا قول قويىلادى. بۇگىنگى ەكى مەملەكەت پرەزيدەنتتەرىنىڭ بىشكەكتەگى كەزدەسۋى كەزىندە دە 13 ماڭىزدى قۇجاتقا قول قويىلدى. اتاپ ايتساق:

- قازاقستان رەسپۋبليكاسىنىڭ الماتى وبلىسىنىڭ اكىمدىگى مەن قىرعىز رەسپۋبليكاسى پرەزيدەنتىنىڭ ىستىقكول وبلىسىنداعى وكىلەتتى وكىلىنىڭ اپپاراتى اراسىنداعى ىنتىماقتاستىقتى نىعايتۋعا بايلانىستى كەلىسىمدى جاساسۋ نيەتى تۋرالى حاتتاما؛

- قازاقستان رەسپۋبليكاسى تۇركىستان وبلىسىنىڭ اكىمدىگى مەن قىرعىز رەسپۋبليكاسى پرەزيدەنتىنىڭ وش وبلىسىنداعى وكىلەتتى وكىلىنىڭ اپپاراتى اراسىنداعى ىنتىماقتاستىق تۋرالى مەموراندۋم؛

- قازاقستان رەسپۋبليكاسى جامبىل وبلىسىنىڭ اكىمدىگى مەن قىرعىز رەسپۋبليكاسى پرەزيدەنتىنىڭ تالاس وبلىسىنداعى وكىلەتتى وكىلىنىڭ اپپاراتى اراسىنداعى ىنتىماقتاستىق تۋرالى مەموراندۋم؛

- قازاقستان رەسپۋبليكاسى ساۋدا جانە ينتەگراتسيا مينيسترلىگى مەن قىرعىز رەسپۋبليكاسىنىڭ ەكونوميكا جانە كوممەرتسيا مينيسترلىگى جانە «JOINT TECHNOLOGIES» جاۋاپكەرشىلىگى شەكتەۋلى سەرىكتەستىگى اراسىنداعى «اق تىلەك» جانە «قاراسۋ» اۆتوجول وتكىزۋ پۋنكتتەرى اۋدانىنداعى يندۋستريالىق ساۋدا- لوگيستيكالىق كەشەن ينفراقۇرىلىمىنا ينۆەستيتسيا تارتۋ تۋرالى مەموراندۋم؛

- قازاقستان رەسپۋبليكاسىنىڭ اۋىل شارۋاشىلىعى مينيسترلىگى مەن قىرعىز رەسپۋبليكاسىنىڭ اۋىل شارۋاشىلىعى مينيسترلىگى اراسىنداعى ءوزارا تۇسىنىستىك تۋرالى مەموراندۋم؛

- قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ مينيسترلەر كابينەتى اراسىنداعى شەكارا ماڭى اۋماقتارىندا تابيعي ورتتەردىڭ پروفيلاكتيكاسى جانە ولاردى ءسوندىرۋ جونىندەگى ۇكىمەتارالىق كەلىسىم؛

- قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ مينيسترلەر كابينەتى اراسىنداعى اۆياتسيالىق ىزدەستىرۋ جانە قۇتقارۋ سالاسىنداعى ىنتىماقتاستىق تۋرالى ۇكىمەتارالىق كەلىسىم؛

- قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ مينيسترلەر كابينەتى اراسىنداعى 2006 -جىلعى 4 شىلدەدەگى ءبىلىم بەرۋ سالاسىنداعى ىنتىماقتاستىق تۋرالى كەلىسىمگە وزگەرىستەر ەنگىزۋ تۋرالى حاتتاما؛

- قازاقستان رەسپۋبليكاسى مەن قىرعىز رەسپۋبليكاسى اراسىنداعى 1996 -جىلعى 26 -تامىزداعى ازاماتتىق جانە قىلمىستىق ىستەر بويىنشا ءوزارا قۇقىقتىق كومەك كورسەتۋ تۋرالى شارتقا وزگەرىستەر مەن تولىقتىرۋلار ەنگىزۋ تۋرالى حاتتاما؛

- قازاقستان رەسپۋبليكاسى سىرتقى ىستەر مينيسترلىگى مەن قىرعىز رەسپۋبليكاسىنىڭ سىرتقى ىستەر مينيسترلىگى اراسىندا ديپلوماتيالىق قاتىناستاردىڭ ورناعانىنا 30 جىل تولۋىنا وراي 2022 -جىلعا ارنالعان سىرتقى ىستەر مينيسترلىكتەرى اراسىنداعى بىرلەسكەن ءىس- شارالار جوسپارى؛

- قازاقستان رەسپۋبليكاسى قاراعاندى وبلىسى اكىمدىگى مەن قىرعىز رەسپۋبليكاسى پرەزيدەنتىنىڭ شۋ وبلىسىنداعى وكىلەتتى وكىلىنىڭ اپپاراتى اراسىنداعى ىنتىماقتاستىق تۋرالى مەموراندۋم؛

- قازاقستان رەسپۋبليكاسى اقتوبە وبلىسى اكىمدىگى مەن قىرعىز رەسپۋبليكاسى پرەزيدەنتىنىڭ باتكەن وبلىسىنداعى وكىلەتتى وكىلىنىڭ اپپاراتى اراسىنداعى ىنتىماقتاستىق تۋرالى مەموراندۋم؛

- قازاقستان رەسپۋبليكاسى اتىراۋ وبلىسى اكىمدىگى مەن قىرعىز رەسپۋبليكاسى پرەزيدەنتىنىڭ جالال- اباد وبلىسىنداعى وكىلەتتى وكىلىنىڭ اپپاراتى اراسىنداعى ىنتىماقتاستىق تۋرالى مەموراندۋمعا قول قويىلدى. جالپى كەلىسسوز بارىسىندا ەكى ەل باسشىسى جاھاندىق جانە وڭىرلىك ماسەلەلەر تۋرالى پىكىر الماسىپ، حالىقارالىق تۇيتكىلدەرگە قاتىستى ۇستانىمدارى ورتاق ەكەنىن اتاپ ءوتتى. اسىرەسە، ورتالىق ازياداعى ىقپالداستىقتى تەرەڭدەتۋ ماسەلەسىنە نازار اۋداردى. وسى ورايدا، كوپ ۇزاماي ايماق مەملەكەتتەرى باسشىلارىنىڭ كونسۋلتاتيۆتىك كەزدەسۋىن وتكىزۋگە ۋاعدالاستى.

نازەركە سۇيىندىك

جاڭالىقتار