تۇركىستاندى تۇركى الەمىنىڭ تۋريستىك استاناسى دەپ جاريالاۋ ۇسىنىلدى
27 مامىر 08:20

تۇركىستاندى تۇركى الەمىنىڭ تۋريستىك استاناسى دەپ جاريالاۋ ۇسىنىلدى

باكۋ. قازاقپارات – ق ر مادەنيەت جانە سپورت ۆيتسە- ءمينيسترى ەرجان ەركىنبايەۆ تۇركى مەملەكەتتەرى ۇيىمىنا مۇشە ەلدەردىڭ تۋريزم مينيسترلەرى- اكىمشىلىك باسشىلارىنىڭ وتىرىسىنا قاتىستى، دەپ حابارلايدى قازاقپارات.

مينيسترلىكتىڭ مالىمەتىنشە، شارا شەڭبەرىندە ت م ۇ- عا مۇشە مەملەكەتتەر مەن باقىلاۋشى ەلدەر اراسىنداعى رەيستەر سانىن ۇلعايتۋ، جىبەك جولىنىڭ تۋريستىك الەۋەتىن ايقىنداۋ، «قازىرگى جىبەك جولى بويىمەن بىرلەسكەن تۋر» جانە «تۇركى الەمىنىڭ تۋريستىك استاناسى» جوبالارىن ىسكە اسىرۋ، قىسقى تۋريزم سالالارىنداعى ىنتىماقتاستىق جانە باسقا ماسەلەلەر تالقىلاندى.

ەرجان ەركىنبايەۆ قازاقستاننىڭ تۋريستىك الەۋەتىنىڭ ش ى ۇ اياسىندا دامىپ وتىرعانىنا ەرەكشە نازار اۋداردى.

«قازىرگى ۋاقىتتا قازاقستاننان تۇركياعا، وزبەكستانعا، قىرعىزستانعا جانە ازەربايجانعا اپتاسىنا 119 رەيس جيىلىگىمەن 21 باعىت بويىنشا حالىقارالىق رەيستەر جولعا قويىلعان»، - دەپ اتاپ ءوتتى ول. ۆيتسە-ءمينيستردىڭ ايتۋىنشا، تۋريزم سالاسىن قالپىنا كەلتىرۋ جاعدايىندا اقتاۋ مەن باكۋ اراسىنداعى رەيستەر سانىن ارتتىرۋ قاجەت.


بۇدان ءارى ەرجان ەركىنبايەۆ ءقازىر مينيسترلىك تاراپىنان قاراستىرىلىپ جاتقان گراند- تۋرلار تۋرالى ايتىپ بەردى.

قازاقستاننىڭ 5 گراند-مارشرۋتىنىڭ ءبىرى - ۇلى جىبەك جولى تۋرى ق ح ر شەكاراسىنان باستالىپ، ەلىمىزدىڭ الماتى، تاراز، شىمكەنت، تۇركىستان قالالارى ارقىلى وتەدى جانە وزبەكستاندا جالعاسۋى مۇمكىن.

«الەمنىڭ تۋريزم كارتاسىندا ورتالىق ازيا ەلدەرىنە جوسپارلانعان ارالاس تۋرلار ءبىر ەلگە جاسالاتىن تۋرلارعا قاراعاندا تانىمالدىققا يە. IndyGuide ەۋروپالىق سەرۆيسىنىڭ زەرتتەۋى بويىنشا رەسپوندەنتتەردىڭ %46 - ى ورتالىق ازيانىڭ باسقا مەملەكەتتەرىمەن قاتار قازاقستانعا بارعىسى كەلەدى»، - دەدى ول. جىبەك جولى باعىتىندا جۇمىس ىستەيتىن تۋروپەراتورلاردىڭ مالىمەتتەرى بويىنشا ورتالىق ازياعا ساتىلعان تۋرلاردىڭ %50 استامى ەكى جانە ودان دا كوپ ەلگە بارۋدى قامتيدى.


«بارلىق كورسەتىلگەن ۇردىستەردى ەسكەرە وتىرىپ، ءبىز جىبەك جولى بويىمەن گراند- تۋردى دامىتۋعا ەرەكشە نازار اۋدارامىز»، - دەپ تولىقتىردى ۆيتسە- مينيستر.

سونىمەن قاتار ەرجان ەركىنبايەۆ تۇركىستاندى تۇركى الەمىنىڭ تۋريستىك استاناسى دەپ جاريالاۋدى ۇسىندى. «ەجەلدەن تۇركىستان - بارشا تۇركى حالىقتارىنىڭ اتا جۇرتى، بەرەكەلى مەكەنى ءارى تۋعان وشاعى سانالادى. ءبىزدىڭ اتا- بابالارىمىز مۇندا ۇلى ۇستاز قوجا احمەت ياساۋيدەن رۋحاني ءبىلىم الىپ، تۇركى- يسلام مادەنيەتىن الەمگە تاراتقانى بەلگىلى. تۇركىلەر كىشى ازياعا بەت بۇرعان كەزدە، بۇل قۇندىلىقتار تامىرىمىزدى ساقتاپ قالۋعا كومەكتەستى جانە بىرلىگىمىزدىڭ نەگىزىنە اينالدى. ماقساتىمىز - تۇركى الەمىن 21-عاسىردىڭ ماڭىزدى ەكونوميكالىق، مادەني جانە گۋمانيتارلىق كەڭىستىگىنە اينالدىرۋ»، - دەدى ول.

ساپار اياسىندا ەرجان ەركىنبايەۆ ازەربايجان رەسپۋبليكاسى تۋريزم جونىندەگى مەملەكەتتىك اگەنتتىگىنىڭ ءتوراعاسى فۋاد ناگيەۆپەن ەكىجاقتى كەزدەسۋ وتكىزدى.


كەزدەسۋ بارىسىندا تاراپتار تۋريزم سالاسىنداعى ىنتىماقتاستىق جانە تاجىريبە الماسۋ، قازاقستان رەسپۋبليكاسى مەن ازەربايجان رەسپۋبليكاسى اراسىنداعى تۋريزم سالاسىنداعى كەلىسىمدى ازىرلەۋ جانە قول قويۋ، ارالاس ءتۋريزمدى، تاۋ شاڭعىسى، گولف-تۋريزمدى دامىتۋ جانە باسقا ماسەلەلەردى تالقىلادى. وتىرىس اياسىندا تۇركى مەملەكەتتەرى ۇيىمىنا مۇشە مەملەكەتتەردىڭ تۋريزم مينيسترلەرىنىڭ كەزەكتى 8-وتىرىسى 2023 -جىلى قازاقستاندا تۇركىستان قالاسىندا وتەدى دەگەن شەشىم قابىلداندى.


جاڭالىقتار