سامات عيلىموۆ ق ر كولىك كوميتەتىنىڭ ءتوراعاسى قىزمەتىنەن بوساتىلدى
27 مامىر 21:39

سامات عيلىموۆ ق ر كولىك كوميتەتىنىڭ ءتوراعاسى قىزمەتىنەن بوساتىلدى

نۇر-سۇلتان. قازاقپارات - سامات عيلىموۆ ق ر يندۋستريا جانە ينفراقۇرىلىمدىق دامۋ مينيسترلىگى كولىك كوميتەتىنىڭ ءتوراعاسى قىزمەتىنەن بوساتىلدى.

بۇل تۋرالى ق ر پرەمەر-ءمينيسترىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.

سامات قۋانىش ۇلى عيلىموۆ ەڭبەك جولىن 1981-جىلى اتىراۋ قالاسىنداعى قوسشاعىل سوۆحوزىندا باستاعان.

ءار جىلدارى اتىراۋ وبلىسى سوۆحوزدارىندا سلەسار، ماشينا الاڭى مەڭگەرۋشىسى، باس ينجەنەر بولىپ جۇمىس ىستەدى.

ءار جىلدارى جەكە كومپانيالاردا جۇمىس ىستەگەن.

1998-2002-جىلدارى ق ر سالىق (قارجى) پوليتسياسى ورگاندارىندا ەڭبەك ەتكەن.

2002-2005-جىلدارى - اقتوبە وبلىسى اكىمىنىڭ ورىنباسارى.

2008-2014-جىلدارى ق ر كولىك جانە كوممۋنيكاتسيالار مينيسترلىگىنىڭ قۇرىلىمىندا جۇمىس ىستەدى.

2014-2019-جىلدارى - اتىراۋ وبلىسى بويىنشا كولىكتىك باقىلاۋ ينسپەكتسياسىنىڭ باسشىسى، ق ر ينۆەستيتسيالار جانە دامۋ مينيسترلىگىنىڭ كولىك كوميتەتى ءتوراعاسىنىڭ ورىنباسارى.

2019-جىلدان باستاپ قازىرگى ۋاقىتقا دەيىن - ق ر يندۋستريا جانە ينفراقۇرىلىمدىق دامۋ مينيسترلىگىنىڭ كولىك كوميتەتىنىڭ ءتوراعاسى.

جاڭالىقتار