باياناۋىلدا تۋريستىك ماۋسىم قاشان باستالادى
31 مامىر 15:56

باياناۋىلدا تۋريستىك ماۋسىم قاشان باستالادى

نۇر-سۇلتان. قازاقپارات - وتكەن جىلى ۇلتتىق پاركتە 56 مىڭنان استام تۋريست دەمالدى، دەپ حابارلايدى Pavlodarnews.kz.

اۋداندىق دەنە شىنىقتىرۋ، سپورت جانە تۋريزم ءبولىمىنىڭ باسشىسى زەينوللا ءتالىپوۆتىڭ ايتۋىنشا، جازعى تۋريستىك كەزەڭدى 10- ماۋسىمدا اشۋ جوسپارلانۋدا.

الايدا باياناۋىل اۋدانىنداعى 50 دەن استام دەمالىس ءۇيىنىڭ جارتىسىنان استامى تۋريستەردى قابىلداپ جاتىر.

- 30 دان استام جەكە كاسىپكەر كاتاماراندار مەن قايىقتاردى، ۆەلوسيپەدتەر مەن باتۋتتاردى، بالالارعا ارنالعان اتتراكتسيونداردى، اتپەن سەرۋەندەۋدى جالعا الۋدى ۇيىمداستىرۋدى ۇسىندى، - دەدى زەينوللا ءتالىپوۆ.

سونداي-اق جاسىباي دەمالىس ايماعىندا جىلۋ اەروستاتىندا ۇشۋدى ۇيىمداستىرۋ جوسپارلانۋدا.

دەمالىس ايماعىنا كىرە بەرىستە 40 كيىز ۇيدەن تۇراتىن ەتنو-اۋىل پايدا بولادى.

سونىمەن قاتار جەكە كاسىپكەرلەر سەگىز جوبانى جۇزەگە اسىرۋدا، ولاردىڭ اراسىندا جاسىباي جانە سابىندىكول كولدەرىنىڭ جاعاسىندا دەمالىس ۇيلەرىنىڭ قۇرىلىسى بار.

بيىل باياناۋىلعا 120 مىڭنان استام دەمالۋشى كەلەدى دەپ كۇتىلۋدە.

ەستەرىڭىزگە سالا كەتەيىك، وتكەن جىلى باياناۋىل كۋرورتتىق ايماعى ەلىمىزدەگى تۋريزمنىڭ باسىمدىق بەرىلگەن نىسانداردىڭ وندىعىنا كىردى. وندا 37 دەمالىس ءۇيى جۇمىس ىستەدى، ونىڭ بەسەۋى - ۆەدومستۆوعا جاتادى.

جاڭالىقتار