رەفەرەندۋمنان كەيىنگى باسقارۋدىڭ جاڭا فورماسى الەمنىڭ قازاقستانعا قىزىعۋشىلىعىن ايتارلىقتاي ارتتىرادى - ساراپشى
6 ماۋسىم 17:42

رەفەرەندۋمنان كەيىنگى باسقارۋدىڭ جاڭا فورماسى الەمنىڭ قازاقستانعا قىزىعۋشىلىعىن ايتارلىقتاي ارتتىرادى - ساراپشى

باكۋ. قازاقپارات – 5- ماۋسىمدا كونستيتۋتسياعا ەنگىزىلگەن تۇزەتۋلەر بويىنشا قازاقستاندا وتكەن رەفەرەندۋم ەلىمىزدىڭ ساياسي جانە ەكونوميكالىق جۇيەسىن قايتا ىسكە قوسۋدى كوزدەيدى، رەسپۋبليكانىڭ دامۋىن جاڭا دەڭگەيگە شىعارادى دەپ ەسەپتەيدى ساراپشى- ەكونوميست، «رەسپۋبليكا» زەرتتەۋ ورتالىعىنىڭ باسشىسى ناتيگ دجافارلي، دەپ حابارلايدى قازاقپارات مەنشىكتى ءتىلشىسى.

«رەفەرەندۋمعا دەيىن پرەزيدەنت قاسىم-جومارت توقايەۆ بيلەۋشى پارتيانىڭ باسشىسى قىزمەتىنەن باس تارتتى. بۇل - دۇرىس شەشىم. شىن مانىندە، پارتيا اتقارۋشى بيلىككە تاۋەلدى بولماعان كەزدە حالىقتىڭ وعان دەگەن سەنىمى نىعايادى، ونىڭ بەدەلى ارتادى. بۇل قادام بولاشاقتا ەلدەگى كوپپارتيالى جۇيەنىڭ نىعايۋىنا وڭ اسەر ەتىپ، قازاقستانداعى ساياسي كۇشتەر اراسىنداعى سالاۋاتتى باسەكەلەستىكتىڭ ارتۋىنا ىقپال ەتەدى»، - دەپ اتاپ ءوتتى ول.

ونىڭ ايتۋىنشا، كونستيتۋتسيانىڭ جاڭا رەداكسياسىنىڭ ەسكىدەن باستى ايىرماشىلىعى - بۇل باسقارۋ جۇيەسىنىڭ وزگەرۋى، بيلىكتىڭ قاتاڭ ۆەرتيكالىنان باس تارتۋ، پرەزيدەنتتىك باسقارۋدان پرەزيدەنتتىك-پارلامەنتتىك رەسپۋبليكاعا ءبىرقالىپتى جانە زاڭدى تۇردە كوشۋ. ەكونوميستىڭ ايتۋىنشا، وتكەن رەفەرەندۋمنان كەيىن باسقارۋدىڭ جاڭا نىسانى الەمنىڭ قازاقستانعا، اسىرەسە ينۆەستورلارعا دەگەن قىزىعۋشىلىعىن ايتارلىقتاي ارتتىرادى.

«تۇزەتۋلەر اتقارۋشى بيلىككە عانا ەمەس، سوت بيلىگىنە دە قاتىستى. بۇل - ينۆەستورلار ءۇشىن وتە ماڭىزدى ءسات. شەتەلدىك جانە جەرگىلىكتى بيزنەس، ينۆەستيتسيالار زاڭنىڭ ۇستەمدىگىن سەزىنۋى كەرەك، بۇل بيزنەسكە سەنىمدى بولۋعا كومەكتەسەدى»، - دەدى ناتيگ دجافارلي.

جاڭالىقتار