ەلىمىزدە ەكى رەسەيلىك ۋنيۆەرسيتەتتىڭ فيليالى اشىلادى
8 ماۋسىم 14:24

ەلىمىزدە ەكى رەسەيلىك ۋنيۆەرسيتەتتىڭ فيليالى اشىلادى

نۇر- سۇلتان. قازاقپارات - قازاقستاندا ەكى رەسەيلىك تەحنيكالىق جوعارى وقۋ ورىندارىنىڭ فيليالى اشىلادى. وقۋ ورىندارىن قۇرۋ تۋرالى ءبىلىم جانە عىلىم مينيسترلىگىنىڭ بۇيرىعى «اشىق ن ق ا» سايتىندا جاريالاندى، دەپ حابارلايدى قازاقپارات ءتىلشىسى.

«ميفي ۇلتتىق يادرولىق زەرتتەۋ ۋنيۆەرسيتەتىنىڭ فيليالى ءال- فارابي اتىنداعى قازاق ۇلتتىق ۋنيۆەرسيتەتىنىڭ بازاسىندا، ال ي. م. گۋبكين اتىنداعى رەسەي مەملەكەتتىك مۇناي جانە گاز ۋنيۆەرسيتەتىنىڭ فيليالى س. وتەبايەۆ اتىنداعى اتىراۋ مۇناي جانە گاز ۋنيۆەرسيتەتىنىڭ بازاسىندا قۇرىلادى»، - دەلىنگەن قۇجاتتا.

فيليالداردىڭ ءبىلىم بەرۋ باعدارلاماسىنا قازاق ءتىلى مەن قازاقستان تاريحى پاندەرى ەنگىزىلەدى. بۇيرىققا سايكەس، وقۋ مەرزىمى قازاقستانداعى فيليالداردا 2 نەمەسە 3 جىل، ال رەسەيدەگى باس ۋنيۆەرسيتەت بازاسىندا 1 نەمەسە 2 جىلعا جوسپارلانعان.

«ءبىلىم بەرۋ پروتسەسى باس جوعارى وقۋ ورىندارىنىڭ پروفەسسورلىق- وقىتۋشىلىق قۇرامىن تارتا وتىرىپ ۇيىمداستىرىلادى. ولاردىڭ ءاربىر فيليالداعى ۇلەسى كەمىندە % 50 بولماق. فيليالدار مەملەكەتتىك ءبىلىم بەرۋ تاپسىرىسى شەڭبەرىندەگى قاراجات، عىلىمي جوبالاردى قولداۋ، ينۆەستيتسيالار جانە تىيىم سالىنباعان وزگە دە كوزدەر ەسەبىنەن قارجىلاندىرىلادى»، - دەپ جازىلعان بۇيرىقتا.

فيليالدار ءوز قاراجاتى نەمەسە وزگە دە قولداۋ كوزدەرى ەسەبىنەن ستۋدەنتتەرگە گرانت، ستيپەنديا مەن باسقا دا تولەمدەر جاسايدى.

اۆتور: ءاليحان اسقار


جاڭالىقتار