پرەزيدەنت ءماسليحات دەپۋتاتتارىنىڭ اكىمدەردى تاعايىنداۋعا كەلىسىم بەرۋى تۋرالى جارلىققا قول قويدى
8 ماۋسىم 21:07

پرەزيدەنت ءماسليحات دەپۋتاتتارىنىڭ اكىمدەردى تاعايىنداۋعا كەلىسىم بەرۋى تۋرالى جارلىققا قول قويدى

نۇر- سۇلتان. قازاقپارات - مەملەكەت باسشىسى «وبلىس اۋماعىندا ورنالاسقان ءماسليحاتتار نەمەسە رەسپۋبليكالىق ماڭىزى بار

قالالار جانە استانا ءماسليحاتتارى دەپۋتاتتارىنىڭ وبلىس، رەسپۋبليكالىق ماڭىزى بار قالا جانە استانا اكىمىن لاۋازىمعا تاعايىنداۋعا كەلىسىم بەرۋى قاعيدالارىن بەكىتۋ تۋرالى» جارلىققا قول قويدى، دەپ حابارلايدى قازاقپارات.

اق وردانىڭ رەسمي سايتىنا جاريالانعان قۇجاتتىڭ ءماتىنى مىناداي: وبلىس اۋماعىندا ورنالاسقان ءماسليحاتتار نەمەسە رەسپۋبليكالىق ماڭىزى بار قالالار جانە استانا ءماسليحاتتارى دەپۋتاتتارىنىڭ وبلىس، رەسپۋبليكالىق ماڭىزى بار قالا جانە استانا اكىمىن لاۋازىمعا تاعايىنداۋعا كەلىسىم بەرۋى قاعيدالارىن بەكىتۋ تۋرالى 2022 -جىلعى 08 -ماۋسىم قازاقستان رەسپۋبليكاسى كونستيتۋتسياسىنىڭ 87-بابىنا سايكەس قاۋلى ەتەمىن:

1. قوسا بەرىلىپ وتىرعان وبلىس اۋماعىندا ورنالاسقان ءماسليحاتتار نەمەسە رەسپۋبليكالىق ماڭىزى بار قالالار جانە استانا ءماسليحاتتارى دەپۋتاتتارىنىڭ وبلىس، رەسپۋبليكالىق ماڭىزى بار قالا جانە استانا اكىمىن لاۋازىمعا تاعايىنداۋعا كەلىسىم بەرۋى قاعيدالارى بەكىتىلسىن.

2. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى ق. توقايەۆ نۇر- سۇلتان، اق وردا، 2022 -جىلعى 8- ماۋسىم

***

قازاقستان رەسپۋبليكاسى پرەزيدەنتىنىڭ 2022 -جىلعى 8 -ماۋسىمداعى 912№ جارلىعىمەن بەكىتىلگەن وبلىس اۋماعىندا ورنالاسقان ءماسليحاتتار نەمەسە رەسپۋبليكالىق ماڭىزى بار قالالار جانە استانا ءماسليحاتتارى دەپۋتاتتارىنىڭ وبلىس، رەسپۋبليكالىق ماڭىزى بار قالا جانە استانا اكىمىن لاۋازىمعا تاعايىنداۋعا كەلىسىم بەرۋى قاعيدالارى

1-تاراۋ. جالپى ەرەجەلەر

1. وسى وبلىس اۋماعىندا ورنالاسقان ءماسليحاتتار نەمەسە رەسپۋبليكالىق ماڭىزى بار قالالار جانە استانا ءماسليحاتتارى دەپۋتاتتارىنىڭ وبلىس، رەسپۋبليكالىق ماڭىزى بار قالا جانە استانا اكىمىن لاۋازىمعا تاعايىنداۋعا كەلىسىم بەرۋى قاعيدالارى قازاقستان رەسپۋبليكاسى كونستيتۋتسياسىنىڭ 87-بابىن ىسكە اسىرۋ ءۇشىن ازىرلەندى جانە وبلىس اۋماعىندا ورنالاسقان ءماسليحاتتار نەمەسە رەسپۋبليكالىق ماڭىزى بار قالالار جانە استانا ءماسليحاتتارى دەپۋتاتتارىنىڭ وبلىس، رەسپۋبليكالىق ماڭىزى بار قالا جانە استانا اكىمىنە كانديداتتى لاۋازىمعا تاعايىنداۋعا كەلىسىم بەرۋ ءتارتىبىن ايقىندايدى.

2. وبلىس، رەسپۋبليكالىق ماڭىزى بار قالا جانە استانا اكىمىن لاۋازىمىنا تاعايىنداۋعا كەلىسىم وبلىس اۋماعىندا ورنالاسقان ءماسليحاتتار نەمەسە رەسپۋبليكالىق ماڭىزى بار قالالار جانە استانا ءماسليحاتتارى دەپۋتاتتارىنىڭ جينالىسىندا بەرىلەدى.

3. قازاقستان رەسپۋبليكاسىنىڭ پرەزيدەنتى ۇسىنۋ نەگىزىندە وبلىس، رەسپۋبليكالىق ماڭىزى بار قالا جانە استانا اكىمى لاۋازىمىنا كەمىندە ەكى كانديدات ۇسىنادى.

4. قازاقستان رەسپۋبليكاسى پرەزيدەنتىنىڭ ۇسىنۋىندا اكىم لاۋازىمىنا كانديداتتاردىڭ ءومىربايان دەرەكتەرى، ەڭبەك قىزمەتى، مەملەكەتتىك ناگرادالارى تۋرالى اقپارات جانە وزگە دە اقپارات قامتىلادى.

2-تاراۋ. وبلىس اۋماعىندا ورنالاسقان ءماسليحاتتار دەپۋتاتتارىنىڭ نەمەسە رەسپۋبليكالىق ماڭىزى بار قالا جانە استانا ءماسليحاتى دەپۋتاتتارىنىڭ جينالىسىن وتكىزۋ ءتارتىبى

5. قازاقستان رەسپۋبليكاسى پرەزيدەنتى اكىمشىلىگىنىڭ باسشىسى قازاقستان رەسپۋبليكاسى پرەزيدەنتىنىڭ تاپسىرماسى نەگىزىندە وبلىس، رەسپۋبليكالىق ماڭىزى بار قالا جانە استانا ءماسليحاتىنىڭ حاتشىسىنا وبلىس، رەسپۋبليكالىق ماڭىزى بار قالا جانە استانا اكىمىن تاعايىنداۋعا كەلىسىم بەرۋ ءۇشىن وبلىس اۋماعىندا ورنالاسقان ءماسليحاتتار نەمەسە رەسپۋبليكالىق ماڭىزى بار قالالار جانە استانا ءماسليحاتتارى دەپۋتاتتارىنىڭ جينالىسىن (بۇدان ءارى - جينالىس) وتكىزۋ قاجەتتىگى تۋرالى حابارلاما جىبەرەدى.

6. جينالىس وسى قاعيدالاردىڭ 5-تارماعىندا كورسەتىلگەن حابارلاما الىنعان كۇننەن باستاپ كۇنتىزبەلىك ءۇش كۇننەن كەشىكتىرىلمەي وتكىزىلەدى. وبلىس، رەسپۋبليكالىق ماڭىزى بار قالا جانە استانا ءماسليحاتىنىڭ حاتشىسى وسى قاعيدالاردىڭ 5-تارماعىندا كورسەتىلگەن حابارلامانى العان كۇننەن باستاپ ءبىر كۇن مەرزىمدە ءتيىستى اۋماقتىڭ دەپۋتاتتارىن جينالىستىڭ شاقىرىلۋ كۇنى مەن ۋاقىتى جانە وتكىزىلەتىن ورنى تۋرالى كورسەتىلگەن اقپاراتتى ءتيىستى ءماسليحاتتىڭ (ءماسليحاتتاردىڭ) رەسمي ينتەرنەت- رەسۋرسىندا ورنالاستىرۋ ارقىلى حاباردار ەتەدى.

7. جينالىستىڭ كۇن تارتىبىنە:

1) وبلىس، رەسپۋبليكالىق ماڭىزى بار قالا جانە استانا ءماسليحاتى حاتشىسىنىڭ قىسقاشا كىرىسپە ءسوزى؛

2) ساناق كوميسسياسىنىڭ مۇشەلەرىن، سونداي- اق كوميسسيانىڭ ءتوراعاسى مەن حاتشىسىن سايلاۋ؛

3) داۋىس بەرۋ ءتاسىلىن تاڭداۋ (اشىق نەمەسە جاسىرىن) ؛

4) قازاقستان رەسپۋبليكاسى پرەزيدەنتى اكىمشىلىگى باسشىسىنىڭ، نە قازاقستان رەسپۋبليكاسى پرەمەر- ءمينيسترىنىڭ، نە قازاقستان رەسپۋبليكاسىنىڭ پرەزيدەنتى ۋاكىلەتتىك بەرگەن وزگە دە لاۋازىمدى ادامنىڭ قازاقستان رەسپۋبليكاسى پرەزيدەنتىنىڭ ۇسىنۋىن جاريا ەتۋى جانە وبلىس، رەسپۋبليكالىق ماڭىزى بار قالا جانە استانا اكىمىنىڭ لاۋازىمىنا كانديداتۋرالاردى ۇسىنۋ؛

5) ءتيىستى اۋماق اكىمىنە كانديداتتاردىڭ وزدەرىنىڭ الداعى قىزمەتىنىڭ باعدارلاماسى تۋرالى تەزيستەرىن بايانداۋى كىرەدى.

8. جينالىستا دەپۋتاتتار كانديداتتارعا سۇراقتار قويۋى مۇمكىن. دەپۋتاتتار ۇسىنىلعان كانديداتۋرالاردى «جاقتاپ» نەمەسە «قارسى» پىكىرلەر ايتۋعا قۇقىلى.

9. وبلىس اۋماعىندا ورنالاسقان ءماسليحاتتار دەپۋتاتتارىنىڭ جينالىسىنا وبلىس جانە ءتيىستى وبلىستىڭ اۋداندارى (وبلىستىق ماڭىزى بار قالالار) ءماسليحاتتارىنىڭ دەپۋتاتتارى قاتىسادى، وندا وبلىس ءماسليحاتىنىڭ حاتشىسى ءتوراعالىق ەتەدى. رەسپۋبليكالىق ماڭىزى بار قالا جانە استانا ءماسليحاتى دەپۋتاتتارىنىڭ جينالىسىنا ءتيىستى ءماسليحاتتاردىڭ دەپۋتاتتارى قاتىسادى، وندا ءتيىستى ءماسليحات حاتشىسى ءتوراعالىق ەتەدى. ەگەر جينالىسقا وبلىس اۋماعىندا ورنالاسقان ءماسليحاتتار نەمەسە رەسپۋبليكالىق ماڭىزى بار قالا جانە استانا ءماسليحاتى دەپۋتاتتارىنىڭ جالپى سانىنىڭ كەمىندە ۇشتەن ەكىسى قاتىسسا، ونىڭ قۇقىقتىق كۇشى بولادى. ءاربىر جينالىستىڭ الدىندا قاتىساتىن دەپۋتاتتاردى تىركەۋ جۇرگىزىلەدى، ونىڭ ناتيجەلەرىن ءماسليحات حاتشىسى وتىرىستار باستالار الدىندا جاريالايدى.

10. جينالىستى وبلىس، رەسپۋبليكالىق ماڭىزى بار قالا جانە استانا ءماسليحاتىنىڭ اپپاراتى ۇيىمداستىرادى جانە تەحنيكالىق مۇمكىندىكتەر ەسكەرىلە وتىرىپ، ينتەرنەت- رەسۋرستاردا ونلاين- ترانسلياتسيا ۇيىمداستىرىلىپ، وتكىزىلەدى.

3-تاراۋ. داۋىس بەرۋدىڭ ۇيىمداستىرىلۋى مەن ءتارتىبى

11. كانديداتتاردىڭ بايانداماسى مەن جارىسسوزدەر (وتكىزىلگەن جاعدايدا) اياقتالعاننان كەيىن داۋىس بەرۋ وتكىزىلەدى. كانديداتتار ءۇشىن داۋىس بەرۋ پروتسەسىن ۇيىمداستىرۋ جانە ونىڭ قورىتىندىلارىن شىعارۋ ءۇشىن قاتىسىپ وتىرعان دەپۋتاتتار قاتارىنان تاق ساننان، كەمىندە 3 ادامنان تۇراتىن ساناق كوميسسياسى قۇرىلادى. ساناق كوميسسياسىنىڭ مۇشەلەرى ءوز قۇرامىنىڭ كوپشىلىك داۋسىمەن ساناق كوميسسياسىنىڭ ءتوراعاسى مەن حاتشىسىن اشىق داۋىس بەرۋ ارقىلى سايلايدى. وبلىس، رەسپۋبليكالىق ماڭىزى بار قالا جانە استانا اكىمى لاۋازىمىنا كانديداتتى كەلىسۋ ءۇشىن قاتىسىپ وتىرعان دەپۋتاتتاردىڭ جالپى سانىنىڭ كوپشىلىگىنىڭ شەشىمى بويىنشا اشىق نە جاسىرىن داۋىس بەرۋ وتكىزىلەدى. اشىق نە جاسىرىن داۋىس بەرۋدى وتكىزۋ ءتارتىبىن ساناق كوميسسياسى بەلگىلەيدى جانە ونى ساناق كوميسسياسىنىڭ ءتوراعاسى حابارلايدى.

12. جينالىس ءوز قۇزىرەتىندەگى ماسەلەلەر بويىنشا كوپشىلىك داۋىسپەن شەشىم قابىلدايدى.

13. داۋىس بەرۋ:

1) داۋىستاردى ساناۋدىڭ ەلەكتروندىق جۇيەسى بولعان كەزدە، ول پايدالانىلا وتىرىپ؛

2) قول كوتەرۋ ارقىلى؛

3) بيۋللەتەندەر پايدالانىلا وتىرىپ جۇزەگە اسىرىلادى. داۋىس بەرۋدى وتكىزۋ ءۇشىن دەپۋتاتتاردىڭ قاجەتتى سانى بولماعان كەزدە، وبلىس، رەسپۋبليكالىق ماڭىزى بار قالا جانە استانا ءماسليحاتىنىڭ حاتشىسى كۆورۋمدى قامتاماسىز ەتۋ بويىنشا شارالار قابىلدايدى. داۋىس بەرۋ راسىمىندە تەك «جاقتاپ» جانە «قارسى» داۋىس بەرۋگە بولادى. بارلىق ماسەلەلەر بويىنشا داۋىس بەرۋ ناتيجەلەرىن وبلىس، رەسپۋبليكالىق ماڭىزى بار قالا جانە استانا ءماسليحاتىنىڭ حاتشىسى داۋىس بەرۋگە قاتىسقانداردىڭ، «جاقتاپ» ، «قارسى» داۋىس بەرگەندەردىڭ سانىن جانە داۋىس بەرۋ قورىتىندىسىن كورسەتە وتىرىپ، جاريالايدى. دەرەكتەر دەپۋتاتتار جينالىسىنىڭ حاتتاماسىنا ەنگىزىلەدى.

14. اشىق داۋىس بەرۋ قول كوتەرۋ ارقىلى نە داۋىستاردى ساناۋدىڭ ەلەكتروندىق جۇيەسى بولعان كەزدە، ول پايدالانىلا وتىرىپ، جۇزەگە اسىرىلادى.

15. جاسىرىن داۋىس بەرۋ وتكىزۋ كەزىندە، بيۋللەتەندەر تىكەلەي داۋىس بەرۋ باستالار الدىندا بەرىلەدى. بيۋللەتەندەر ساناق كوميسسياسى بەلگىلەگەن نىساندا ونىڭ باقىلاۋىمەن، سانى وتىرىسقا قاتىسىپ وتىرعان دەپۋتاتتاردىڭ سانىنا تەڭ بولىپ دايىندالادى جانە ولارعا ساناق كوميسسياسىنىڭ ءتوراعاسى مەن حاتشىسى قول قويادى. ءماسليحات حاتشىسى بيۋللەتەندەردى دايىنداۋ ءۇشىن جينالىستا ءۇزىلىس جاريالاۋى مۇمكىن. ءاربىر دەپۋتاتقا ساناق كوميسسياسىنىڭ ءتوراعاسى مەن حاتشىسى قول قويعان ءبىر بيۋللەتەن بەرىلەدى. دەپۋتاتتارعا جاسىرىن داۋىس بەرۋگە ارنالعان بيۋللەتەندەر ولار دەپۋتات كۋالىگىن نەمەسە جەكە كۋالىگىن كورسەتكەن كەزدە بەرىلەدى. جاسىرىن داۋىس بەرۋ ءۇشىن قۇپيالىلىقتى ساقتاۋ بويىنشا تالاپتار ۇستانا وتىرىپ، ارنايى بولىنگەن ورىنعا وبلىس، رەسپۋبليكالىق ماڭىزى بار قالا جانە استانا ءماسليحاتىنىڭ ءمورى باسىلعان جاشىك ورناتىلادى. ءماسليحات دەپۋتاتى ءوزى داۋىس بەرەتىن كانديداتتىڭ تەگىنىڭ وڭ جاعىنداعى بوس شارشىعا كەز-كەلگەن بەلگى قويادى. بەلگىلەنبەگەن نىسانداعى بيۋللەتەندەر ساناۋ كەزىندە ەسەپكە الىنبايدى. ساناق كوميسسياسى داۋىس بەرۋگە ارنالعان جاشىكتى داۋىس بەرۋ اياقتالعاننان كەيىن اشۋعا ءتيىس. جاشىكتى داۋىس بەرۋ اياقتالعانعا دەيىن اشۋعا تىيىم سالىنادى.

16. ساناق كوميسسياسى داۋىس بەرۋ ناتيجەلەرى بويىنشا حاتتاما جاسايدى، وعان ساناق كوميسسياسىنىڭ بارلىق مۇشەلەرى قول قويادى جانە ول وبلىس، رەسپۋبليكالىق ماڭىزى بار قالا جانە استانا ءماسليحاتىنىڭ حاتشىسىنا بەرىلەدى. داۋىس بەرۋ كەزىندە بولماعان ءماسليحات دەپۋتاتىنىڭ كەيىنىرەك داۋىس بەرۋگە قۇقىعى جوق.

17. داۋىس بەرۋگە قاتىسقان دەپۋتاتتاردىڭ داۋىس سانىنىڭ كوپشىلىگىن العان كانديدات كەلىسىم العان بولىپ ەسەپتەلەدى. ەگەر كانديداتتار بىردەي داۋىس سانىن جيناعان بولسا، ساناق كوميسسياسى اتالعان كانديداتتار اراسىندا قايتا داۋىس بەرۋدى وتكىزۋ تۋرالى شەشىم قابىلدايدى. قايتا داۋىس بەرۋ وسى قاعيدالاردا كوزدەلگەن تارتىپپەن وبلىس، رەسپۋبليكالىق ماڭىزى بار قالا جانە استانا ءماسليحاتىنىڭ حاتشىسى ايقىنداعان مەرزىمدەردە وتكىزىلەدى.

18. جينالىس وبلىس، رەسپۋبليكالىق ماڭىزى بار قالا جانە استانا ءماسليحاتىنىڭ حاتشىسى داۋىس بەرۋ ناتيجەلەرىن جاريالاعاننان كەيىن جابىلادى. وبلىس، رەسپۋبليكالىق ماڭىزى بار قالا جانە استانا ءماسليحاتىنىڭ حاتشىسى جانە ساناق كوميسسياسىنىڭ ءتوراعاسى قول قويعان جينالىستىڭ حاتتاماسى جينالىستىڭ وتكىزىلۋىن كۋالاندىراتىن قۇجات بولىپ تابىلادى، ول ءبىر كۇن ىشىندە قازاقستان رەسپۋبليكاسى پرەزيدەنتىنىڭ اكىمشىلىگىنە جىبەرىلەدى.

سونداي-اق... وقىڭىز

جاڭالىقتار