بۇگىن ەل اۋماعىندا نوسەر جاۋىن جاۋىپ، كۇشتى جەل تۇرادى
21 ماۋسىم 08:16

بۇگىن ەل اۋماعىندا نوسەر جاۋىن جاۋىپ، كۇشتى جەل تۇرادى

نۇر-سۇلتان. قازاقپارات - قازگيدرومەت سينوپتيكتەرى 21-ماۋسىمعا ارنالعان اۋا رايى بولجامىن جاريالادى.

اتموسفەرالىق فرونتتاردىڭ اسەرىنەن قازاقستان اۋماعىنىڭ باسىم بولىگىندە تۇراقسىز اۋا رايى ساقتالادى. كۇن كۇركىرەپ، جاڭبىر جاۋادى.

ەلدىڭ سولتۇستىگىندە، وڭتۇستىگىندە، وڭتۇستىك- شىعىسىندا قاتتى جاڭبىر جاۋادى. تەك وڭتۇستىك- باتىس وڭىرلەردە عانا كۇن اشىق. اقمولا وبلىسىنىڭ باتىسىندا، سولتۇستىگىندە، وڭتۇستىگىندە بۇرشاق، داۋىل كۇتىلەدى، كۇندىز باتىستا، وڭتۇستىكتە شاڭدى داۋىل، تۇندە باتىستا، سولتۇستىكتە، وڭتۇستىكتە، كۇندىز وبلىستىڭ باسىم بولىگىندە جەل 15-20، كۇندىز ەكپىنى 23-28 م/س كۇشەيەدى.

الماتى وبلىسىنىڭ وڭتۇستىگىندە، شىعىسىندا، تاۋلى اۋداندارىندا، تۇندە سولتۇستىكتە، كۇندىز سولتۇستىكتە، شىعىستا، اقتوبە وبلىسىندا، كۇندىز پاۆلودار، قاراعاندى وبلىستارىنىڭ باسىم بولىگىندە، باتىستا، شىعىستا جانە اتىراۋ وبلىسىنىڭ ورتالىعىندا، سولتۇستىكتە، قىزىلوردا وبلىسىنىڭ ورتالىعىندا جەل 15-25 م/س كۇشەيەدى.

تۇركىستان وبلىسىنىڭ وڭتۇستىگىندە، تاۋلى جانە تاۋ بوكتەرىندە بۇرشاق جاۋۋى ىقتيمال، باتىسىندا، وڭتۇستىگىندە، تاۋلى جانە تاۋ بوكتەرىندە جەل 15-20 م/س كۇشەيەدى.

باتىس قازاقستان وبلىسىنىڭ سولتۇستىگىندە، شىعىسىندا، وڭتۇستىگىندە بۇرشاق، داۋىل كۇتىلەدى، سولتۇستىك- باتىسىندا جەل 15-20 م/س كۇشەيەدى.

باتىس قازاقستان وبلىسىنىڭ سولتۇستىگىندە، شىعىسىندا، وڭتۇستىگىندە بۇرشاق، داۋىل كۇتىلەدى، سولتۇستىك- باتىسىندا جەل 15-20 م/س كۇشەيەدى.

كۇندىز ماڭعىستاۋ وبلىسىنىڭ وڭتۇستىك - باتىسىندا، سولتۇستىگىندە شاڭدى داۋىل تۇرادى، جەلدىڭ جىلدامدىعى 15-20 م/س جەتەدى.

قوستاناي وبلىسىنىڭ سولتۇستىگىندە، باتىسىندا- بۇرشاق، داۋىل، تۇندە سولتۇستىك- باتىستا، باتىستا، كۇندىز وبلىستىڭ باسىم بولىگىندە جەل 15-23 م/س جەتەدى.

سولتۇستىك قازاقستان وبلىسىنىڭ سولتۇستىگىندە، شىعىسىندا، باتىسىندا بۇرشاق جاۋۋى ىقتيمال، تۇندە سولتۇستىكتە، شىعىستا، كۇندىز باسىم بولىگىندە جەلدىڭ جىلدامدىعى 15-20, كۇندىز ەكپىنى 23-28 م/س جەتەدى.

شىعىس قازاقستان وبلىسىنىڭ سولتۇستىگىندە، شىعىسىندا، باتىسىندا 15-23 م/س جەل تۇرادى، كۇندىز داۋىل سوعادى.

جامبىل وبلىسىنىڭ وڭتۇستىگىندە، سولتۇستىگىندە، تاۋلى اۋداندارىندا بۇرشاق، داۋىل كۇتىلەدى، وڭتۇستىك- باتىسىندا، سولتۇستىك- شىعىسىندا، تاۋلى اۋدانداردا جەل 15-20 م/س كۇشەيەدى. كۇندىز اتىراۋ، قاراعاندى وبلىستارىنىڭ وڭتۇستىگىندە، سولتۇستىك- باتىستا، شىعىس قازاقستان وبلىسىنىڭ وڭتۇستىگىندە قاتتى ىستىق كۇتىلەدى.

قىزىلوردا، شىعىس قازاقستان، الماتى، اتىراۋ وبلىستارىنىڭ باسىم بولىگىندە، اقتوبە وبلىسىنىڭ وڭتۇستىگىندە، شىعىسىندا، قاراعاندى وبلىسىنىڭ باتىسىندا، شىعىسىندا، تۇركىستان، جامبىل وبلىستارىنىڭ وڭتۇستىك- شىعىسىندا توتەنشە ءورت قاۋپى ساقتالادى.

جاڭالىقتار