قىتايدا ەلەكتر ەنەرگياسىنا سۇرانىس تاريحي ماكسيمۋمعا جەتتى
25 ماۋسىم 11:30

قىتايدا ەلەكتر ەنەرگياسىنا سۇرانىس تاريحي ماكسيمۋمعا جەتتى

بەيجىڭ. قازاقپارات - قىتايدىڭ ءبىرقاتار پروۆينتسياسىندا كۇننىڭ قاتتى ىسۋىنا بايلانىستى ەلەكتر ەنەرگياسىنا سۇرانىس تاريحي ماكسيمۋمعا جەتتى، دەپ حابارلايدى قازاقپاراتتىڭ قىتايداعى ءتىلشىسى.

وسى اپتادا قىتايدىڭ سولتۇستىك جانە سولتۇستىك- باتىس ايماقتارىندا ەنەرگيا قۋاتىنىڭ ماكسيمالدى تۇتىنۋى تىركەلدى. ەلەكتر ەنەرگياسىنا دەگەن سۇرانىستىڭ جوعارى بولۋىنىڭ نەگىزگى سەبەپتەرىنىڭ ءبىرى رەتىندە كۇننىڭ نورمادان تىس ىستىق بولعاندىعى ايتىلدى.

شاندۋن (شىعىس قىتاي) جانە حەنان (ورتالىق قىتاي) پروۆينتسيالارىندا دا ەلەكتر ەنەرگياسىنا جوعارى سۇرانىس بايقالدى. وسى اپتادا قىتايدىڭ سولتۇستىگىندە اپتاپ ىستىق بولدى. ەلدىڭ بۇل ايماقتارىندا قولايسىز اۋا رايى جاعدايىنا ارەكەت ەتۋدىڭ قىزعىل- سارى دەڭگەيى جاريالاندى.

ايتا كەتسەك، وتكەن جىلدىڭ سوڭىندا قىتايدىڭ كوپتەگەن ايماقتارى ەلەكتر قۋاتىنىڭ تاپشىلىعىنا تاپ بولعان ەدى.


جاڭالىقتار