قىتايدىڭ ءىرى اكىمشىلىك ايماعىندا كارانتين شارالارى كۇشەيتىلدى
25 ماۋسىم 15:30

قىتايدىڭ ءىرى اكىمشىلىك ايماعىندا كارانتين شارالارى كۇشەيتىلدى

بەيجىڭ. قازاقپارات - COVID-19 ىندەتىنە بايلانىستى وڭتۇستىك- شىعىس ازياداعى ەڭ ءىرى قۇمار ويىن ورتالىعى سانالاتىن قىتايدىڭ ماكاو ارنايى اكىمشىلىك ايماعىندا كارانتيندىك شارالار كۇشەيتىلدى.

بۇل تۋرالى قازاقپارات مەنشىكتى ءتىلشىسى حابارلايدى. بەيسەنبىدەن باستاپ ماكاودا ويىن- ساۋىق ورىندارى، سونىڭ ىشىندە كينوتەاترلار مەن تەاترلار جابىلدى. مەيرامحانالار مەن قوعامدىق تاماقتانۋ ورىندارى تەك جەتكىزۋ جانە الىپ كەتۋ قىزمەتتەرى ارقىلى جۇمىس ىستەيدى. جەرگىلىكتى كوروناۆيرۋسپەن كۇرەسۋ جانە ۇيلەستىرۋ ورتالىعىنىڭ مالىمەتى بويىنشا، 25-ماۋسىمعا دەيىن پتر سىناقتارىنان وتپەگەن ماكاو تۇرعىندارىنا «دەنساۋلىق كودىنىڭ» سارى بەلگىسى بەرىلەدى.

ەرەجەگە سايكەس، سارى ءتۇستى «QR كودى» بار ادامدارعا قوعامدىق ورىندارعا كىرۋگە تىيىم سالىنۋى، قوعامدىق كولىكتى پايدالانۋىنا جانە اكىمشىلىك اۋماقتان شىعۋىنا تىيىم سالىنۋى مۇمكىن. 25-ماۋسىمنان جەرگىلىكتى بيلىك ماكاو تۇرعىندارىن كوروناۆيرۋسقا قارسى انتيگەنگە تەكسەرۋ ناۋقانىن باستايدى.


جاڭالىقتار