رەسەيلىك كومپانيالار قازاقستانعا كوشىپ جاتىر - ستاتيستيكا
28 ماۋسىم 19:30

رەسەيلىك كومپانيالار قازاقستانعا كوشىپ جاتىر - ستاتيستيكا

نۇر-سۇلتان. قازاقپارات - سانكسيادان قاشقان كومپانيالار قازاقستانعا كەلىپ جاتىر، - دەپ حابارلايدى Finprom.kz.

«بيىل مامىردىڭ اياعىنا قاراي قازاقستاندا جۇمىس ىستەپ تۇرعان شەتەلدىك كاسىپورىندار سانى جىل باسىنان بەرى 12,7 پايىزعا ارتىپ، 25 مىڭعا جەتتى. سونىمەن قاتار، اي سايىنعى ءوسىمدى قاراستىراتىن بولساق، قازاقستانعا شەتەلدىك كومپانيالار اعىنى 2022-جىلدىڭ ناۋرىزىندا باستالعانىن بايقاۋعا بولادى»، - دەلىنگەن حابارلامادا.

ساراپشىلار ناۋرىزدا سەكتورداعى ءوسىم 3,3 پايىز، ساۋىردە 4 پايىز، مامىردا 4 پايىز بولعىنىن ايتتى.

«بۇل - كەيىنگى جىلدارداعى ەڭ جوعارى كورسەتكىش. سالىستىرۋ ءۇشىن: 2021-جىلى شەتەلدىك كومپانيالار سانىنىڭ ورتاشا ايلىق ءوسۋ قارقىنى نەبارى 1,1 پايىز بولعان»، - دەپ تولىقتىردى باسىلىم.

ستاتيستيكاعا سايكەس، تىركەلگەن زاڭدى تۇلعالاردىڭ، فيليالداردىڭ، شەتەلدىك زاڭدى تۇلعالاردىڭ فيليالدارىنىڭ سانى مامىردىڭ اياعىنا قاراي 40,2 مىڭعا جەتكەن.

بيىلعى قاڭتار-مامىردا بۇل كورسەتكىش 2,4 مىڭ كومپانياعا ارتقان.

«سونىمەن قاتار، نەگىزگى اعىن رەسەيدەن كەلگەن ۇيىمدارعا ساي كەلەدى، قوسىمشا 1,6 مىڭ. 2022-جىلعى مامىردىڭ قورىتىندىسى بويىنشا ونىڭ سانى 13 مىڭعا جەتتى. رەسەي مەن بەلارۋستان كەلگەن كومپانيالاردىڭ نەگىزگى اعىنى سانكسيالارعا بايلانىستى بولىپ وتىر. گەوساياسي داعدارىسقا بايلانىستى ديناميكا مەن بەلگىسىز جاعدايدى ەسكەرسەك، رەسەيلىك كومپانيالار ءالى دە كەلەدى دەپ بولجاۋعا بولادى»، - دەدى ماماندار.

جاڭالىقتار