شوتلانديا تاۋەلسىزدىك الۋ ءۇشىن ەكىنشى مارتە رەفەرەندۋم وتكىزەدى
28 ماۋسىم 21:56

شوتلانديا تاۋەلسىزدىك الۋ ءۇشىن ەكىنشى مارتە رەفەرەندۋم وتكىزەدى

ەدينبۋرگ. قازاقپارات - ءبىرىنشى مينيستر نيكولا ستەردجەن شوتلانديا پارلامەنتىندە ەل تاۋەلسىزدىگى تۋرالى ەكىنشى رەفەرەندۋم وتكىزۋ جوسپارى تۋرالى مالىمدەمە جاسايدى، دەپ حابارلايدى قازاقپارات BBC News باسىلىمىنا سىلتەمە جاساپ.

ول كەلەسى جىلدىڭ قازان ايىندا ۇلى بريتانيا مينيسترلەرىنىڭ رەسمي كەلىسىمىمەن نەمەسە ونسىز زاڭدى داۋىس بەرۋدى وتكىزۋ جوسپارىن جاسايدى دەپ كۇتىلىپ وتىر.

شوتلانديانىڭ تاۋەلسىزدىگى تۋرالى 2014-جىلعى رەفەرەندۋمدا «قارسى» تاراپ %55 داۋىس جيناپ، جەڭىسكە جەتكەن.

ستەردجەننىڭ ايتۋىنشا، ونىڭ رەفەرەندۋم وتكىزۋگە دەموكراتيالىق مانداتى بار.

ويتكەنى تاۋەلسىزدىكتى قولدايتىن پارتيالار - شوتلانديا ۇلتتىق پارتياسى (SNP) جانە «جاسىلدار» (Scottish Greens) جەرگىلىكتى پارلامەنتتە - حوليرۋدتە كوپشىلىك داۋىسقا يە.

ساياساتكەر ۇلى بريتانيا ۇكىمەتىنىڭ شوتلانديا حالقىنىڭ قالاۋىنا قارسى جۇرگىزىپ جاتقان كۇرەسى لوندوننىڭ ىشكى جانە حالىقارالىق ارەناداعى پوزيتسياسىن السىرەتەتىنىن اتاپ ءوتتى.

جەكسەنبىدە شوتلاند كونسەرۆاتورلارىنىڭ جەتەكشىسى دۋگلاس روسس ن. ستەردجەندى ەل ءومىر ءسۇرۋ قۇنىنىڭ ءوسۋى، ۇزاق مەرزىمدى ەنەرگەتيكالىق قاۋىپسىزدىك، ەكونوميكالىق دامۋ، جۇمىس ورىندارىنا قولجەتىمدىلىك سياقتى ماڭىزدى ماسەلەلەرمەن بەتپە-بەت كەلگەندە «ويىن وينادى» دەپ ايىپتادى.

جاڭالىقتار