تاريحتا تاسىمالدانعان ەڭ ۇلكەن جۇكتەر
29 ماۋسىم 20:25

تاريحتا تاسىمالدانعان ەڭ ۇلكەن جۇكتەر

نۇر-سۇلتان. قازاقپارات - لوگيستيكا تاريحىندا كوپتەگەن قىزىقتى جانە ادەتتەن تىس تاپسىرىستار بولعان.

مىسالى، امەريكادا جەكە ۇيلەردىڭ تاسىمالداناتىنى كوپشىلىكتى تاڭعالدىرماسا كەرەك. مۇنداي ۇيلەر ءداستۇرلى تۇردە جەڭىل ماتەريالداردان سالىنادى. ءبىراق بۇل ادەتتەن تىس تاسىمالداناتىن تاپسىرىستاردىڭ ءبىر عانا مىسالى.

كيتتىڭ ساياحاتى

بۇل ۇزاق جىلدار تۇتقىندا ءومىر ءسۇرىپ، مۇحيتقا ورالعان اڭىزعا اينالعان كوساتكانىڭ ءومىر تاريحى. دەلفيندەر تۇقىمداسىنا جاتاتىن كەيكو ەسىمدى سۇتقورەكتى 10 جىلداي مەكسيكا زووساياباعىندا ءومىر سۇرگەن. «ۆيلليدى قۇتقار» فيلمىن ءتۇسىرۋ كەزىندە ادامداردان قورىقپايتىن جانۋار ىزدەلەدى جانە تاڭداۋ مەكسيكالىق كيتكە تۇسەدى.

ول ا ق ش- قا جەتكىزىلىپ، تۇسىرىلىمنەن كەيىن ەلىنە قايتارىلدى. كەيكونىڭ ادامدارعا ۇيرەنگەنى سونشا، ول بوساتىلعان كەزدە ەركىن جۇزۋدەن باس تارتقان، ءبىراق ونى ءبارىبىر مۇحيتقا جىبەرگەن.

يندوۆەر عارىش كەمەسى

2011-جىلى جۇمىسىن اياقتاعان عارىش اپپاراتىن كاليفورنياداعى عىلىمي ورتالىققا جەتكىزۋ تۋرالى شەشىم قابىلداندى. شاتتل لوس-اندجەلەس كوشەلەرىمەن ساعاتىنا 3 كيلومەتر جىلدامدىقپەن 19 شاقىرىم ارالىقتى باسىپ ءوتتى. ونىڭ ۇلكەن كولەمىنە بايلانىستى جول بويىنداعى 400 اعاش كەسىلگەن.

دينوزاۆر

تايلاندتاعى كولىك كومپانيالارىنىڭ بىرىنە ۇلكەن دينوزاۆردى تاسىمالداۋعا تاپسىرىس بەرىلدى. بۇل روبوت-تيرانوزاۆر بولاتىن. ارينە، مۇنداي تاپسىرىس اينالاداعى ادامداردىڭ نازارىن اۋدارماۋى مۇمكىن ەمەس ەدى. سونىڭ كەسىرىنەن كولىك كەپتەلىسى تۋىپ، پوليتسەيلەر تاسىمالداۋشى كومپانياعا ءبىر مەزگىلدە بىرنەشە ايىپپۇل سالدى.

15 مەترلىك مۇناي سەستەرناسى

فينليانديادا ديامەترى 15 مەتردەن اساتىن ۇلكەن مۇناي سەستەرناسىن باسقا جەرگە كوشىرۋ قاجەتتىلىگى تۋىندادى. ىشىندە جانارمايى بار سەستەرنانى وتە مۇقيات جەتكىزۋ كەرەك بولدى.

جالپى سىيىمدىلىعى 250 تونناعا جۋىق ساقتاۋ قويماسى ەكى ۇلكەن اۋىر جۇك كولىگىنە تيەلدى. مۇناي وڭدەۋ زاۋىتىنىڭ اۋماعىندا قاۋىپسىزدىكتى قامتاماسىز ەتۋ ءۇشىن اۆتوموبيلدەر سينحروندى تۇردە قوزعالدى. تاسىمالداۋ قاشىقتىعى كوپ بولماسا دا، ماماندار مۇنى تاماشا ورىندادى.

130 ميلليون ارا

ا ق ش- تا 130 ميلليون ارانى كاليفورنيادان داكوتاعا تاسىمالداۋ قاجەت بولعان. ءبىراق، جولدا ارالاردى تاسىمالداعان جۇك كولىگى اۋدارىلىپ قالعان. ناتيجەسىندە ارالاردىڭ كوبى ۇشىپ كەتكەن.

massaget.kz

جاڭالىقتار