ا ق ش ەۋروپاداعى اسكەر سانىن ارتتىرادى
30 ماۋسىم 15:36

ا ق ش ەۋروپاداعى اسكەر سانىن ارتتىرادى

ۆاشينگتون. قازاقپارات - پولشادا تۇراقتى ارميا شتابى قۇرىلىپ، ا ق ش- تىڭ جاڭا اسكەري كەمەلەرى يسپانياعا، جويعىش ۇشاقتارى ۇلى بريتانياعا، ال قۇرلىقتاعى اسكەرلەرى رۋمىنياعا اتتانادى، دەپ حابارلايدى قازاقپارات BBC News-كە سىلتەمە جاساپ.

دجو بايدەن مادريدتەگى سامميتتە ناتو بارلىق باعىتتا - قۇرلىقتا، اۋەدە جانە تەڭىزدە نىعايتىلاتىنىن ايتتى.

ا ق ش مالىمدەمەسىندە ول بۇكىل قۇرلىق، اسىرەسە شىعىس ەۋروپادا ءوزىنىڭ قاتىسۋىن نىعايتىپ جاتقانى ايتىلعان، مۇندا ونىڭ 5-ارميا كورپۋسىنىڭ جاڭا تۇراقتى شتابى ورنالاسقان.

بۇل شارالارعا يسپانياداعى ا ق ش اسكەري-تەڭىز كۇشتەرىنىڭ جويعىش فلوتىن تورتتەن التى كەمەگە دەيىن ۇلعايتۋ، رۋمىنيادا 3 مىڭ اسكەري قىزمەتكەردەن جانە 2 مىڭ ادامنان تۇراتىن باسقا جاۋىنگەرلىك توپتان تۇراتىن قوسىمشا بريگادانى ورنالاستىرۋ، ۇلى بريتانيادا F-35 جاسىرىن جويعىشتارىنىڭ ەكى ەسكادريلياسىن ورنالاستىرۋ، گەرمانيا مەن يتالياعا اۋە قورعانىسىنىڭ قوسىمشا قۇرالدارىن جىبەرۋ كىرىپ وتىر.

ا ق ش- تىڭ بۇكىل ەۋروپاداعى اسكەري قاتىسۋىنىڭ ۇلعايۋى اسكەري بلوكتى جاپپاي مودەرنيزاتسيالاۋدىڭ بولىگى رەتىندە جۇزەگە اسىرىلۋدا. بۇل ونىڭ جەدەل ارەكەت ەتۋ كۇشتەرىنىڭ كولەمىن ايتارلىقتاي ارتتىرۋدى قاراستىرىپ وتىر.

جاڭالىقتار