استانا كۇنى مەن تۇڭعىش پرەزيدەنت مەرەكەسى قايتا قارالۋى مۇمكىن - سەناتور
30 ماۋسىم 18:40

استانا كۇنى مەن تۇڭعىش پرەزيدەنت مەرەكەسى قايتا قارالۋى مۇمكىن - سەناتور

نۇر-سۇلتان. قازاقپارات - سەنات دەپۋتاتى اقمارال ءالنازاروۆا استانا كۇنى مەن تۇڭعىش پرەزيدەنت كۇنىنە قاتىستى ءوز پىكىرىن ءبىلدىردى، دەپ حابارلايدى قازاقپارات ءتىلشىسى.

پارلامەنت پالاتالارىنىڭ بىرلەسكەن وتىرىسىنان كەيىن تىلشىلەر دەپۋتاتقا استانا كۇنىن وزگەرتۋ قاجەت پە دەگەن سۇراق قويدى.

«قانداي جاعداي بولسا دا بىزگە استانا كۇنى قاجەت. نەگە قايتا قاراماسقا دەپ ويلايمىن. مۇمكىن، ەلوردا كۇنىن قايتا قاراپ، قانداي دا ءبىر تاريحي داتالارعا تىكەلەي بايلانىستىرۋ بولاشاقتىڭ ءىسى شىعار»، - دەدى اقمارال ءالنازاروۆا.

سونداي-اق جۋرناليستەر 1- جەلتوقسان - تۇڭعىش پرەزيدەنت كۇنىن مەرەكەلەۋگە قاتىستى سۇراق قويدى.

«ءبىز ەلىمىزدىڭ دەموكراتيالىق دامۋ جولىن تاڭدادىق، وسى جولدا ءجۇرۋىمىز كەرەك (...) بۇل ماسەلە شەشىلەتىن بولادى (1- جەلتوقساندى مەرەكەلەۋ - رەد.)، بالكىم مەرەكە قايتا فورماتتالۋى مۇمكىن»، - دەدى سەناتور.

جاڭالىقتار