مادەنيەت مينيسترلىگىنىڭ لاۋازىمدى تۇلعالارى جەمقورلىق فاكتىسى بويىنشا تەرگەلىپ جاتىر
1 شىلدە 20:57

مادەنيەت مينيسترلىگىنىڭ لاۋازىمدى تۇلعالارى جەمقورلىق فاكتىسى بويىنشا تەرگەلىپ جاتىر

نۇر-سۇلتان. قازاقپارات - انتيكور مەملەكەتتىك كاسىپورىن عيماراتىن تومەندەتىلگەن باعامەن يەلىكتەن شىعارۋ فاكتىسىن تەرگەپ جاتىر، دەپ حابارلايدى قازاقپارات.

نۇر-سۇلتان قالاسى بويىنشا سىبايلاس جەمقورلىققا قارسى قىزمەت ق ر مادەنيەت جانە سپورت مينيسترلىگىنىڭ لاۋازىمدى تۇلعالارىنا قاتىستى تەرگەۋ باستادى.

ولار الماتى قالاسىنداعى سۋ جانە قولدانبالى سپورت تۇرلەرى بويىنشا رەسپۋبليكالىق جوعارى سپورت شەبەرلىگى مەكتەبىنىڭ ۆەدومستۆولىق باعىنىستى عيماراتىن مەملەكەت مۇددەسىنە اۋىر زارداپتارعا اكەپ سوققان ۇلەستەس زاڭدى تۇلعانىڭ پايداسىنا تومەندەتىلگەن باعامەن يەلىكتەن شىعارۋ فاكتىسى بويىنشا ايىپتالىپ وتىر.

قازىرگى ۋاقىتتا سوتقا دەيىنگى تەرگەۋ امالدارى جۇرگىزىلىپ جاتىر.

وزگە اقپارات تەرگەۋ مۇددەسىنە بايلانىستى جاريالانبايدى.

جاڭالىقتار