كوزدىڭ استى قارا بولۋى نە بىلدىرەدى؟ دەرماتولوگ ەسكەرتۋ جاسادى
12 تامىز 22:29

كوزدىڭ استى قارا بولۋى نە بىلدىرەدى؟ دەرماتولوگ ەسكەرتۋ جاسادى

نۇر-سۇلتان. قازاقپارات - دەرماتولوگ ەكاتەرينا انچيكوۆا كوزدىڭ استى قارا بولۋى - بەتتىڭ اناتوميالىق ەرەكشەلىگىنە بايلانىستى ەستەتيكالىق پروبلەماسى ەكەنىن ايتتى.

الايدا كەي جاعدايدا بۇل قانداي دا ءبىر اۋرۋدىڭ بەلگىسى بولۋى مۇمكىن، - دەپ حابارلايدى News.ru.

ماماننىڭ سوزىنشە، كوزدىڭ استى قارا بولۋى قان اينالىمىنىڭ نەمەسە كەڭەيتىلگەن تامىرلاردىڭ بۇزىلۋىن ءبىلدىرۋى مۇمكىن. سونداي-اق ادام بىردەن ازىپ كەتكەندە كوزدىڭ استى قارايا باستاۋى مۇمكىن.

ودان بولەك، انچيكوۆا مۇنداي قۇبىلىس ادام دۇرىس ۇيىقتاماي جۇرگەندە جانە قاتتى سترەسس جاعدايىندا جۇرسە، پارازيتتىك ينفەكتسيالار جۇقتىرىپ، ىشكى اعزالاردىڭ اۋرۋلارى بار كەزدە نەمەسە دەنەنىڭ ينتوكسيكاتسياسى كەزىندە بايقالۋى مۇمكىن ەكەنىن ايتتى.

«بۇرىن ادامدا مۇنداي پروبلەم بولماي، كەيىننەن كوزىنىڭ استى قارايعانىن بايقاسا، بۇل دارىگەرگە قارالۋ قاجەت دەگەن ءسوز»، - دەپ ەسكەرتتى مامان.

دارىگەر مۇنداي جاعدايدا تەراپيەۆتكە بارىپ، ءىش قۋىسىنىڭ ۋلترادىبىستىق زەرتتەۋى، قان اناليزى - كلينيكالىق جانە بيوحيميالىق، سونىمەن قاتار پارازيتتىك ينفەكتسيالارعا ارنالعان تەست وتكىزۋگە جولداما الۋ قاجەت ەكەنىن ايتادى.

سونىمەن قاتار، دارىگەردىڭ سوزىنشە، جالپى اعزانىڭ جاعدايىن بۇزاتىن فاكتورلار، ياعني شىلىم شەگۋ، الكوگول، ۇيقىنىڭ قانباۋى، فيزيكالىق كۇش، سالماق تاستاۋعا نازار اۋدارۋ كەرەك.

جاڭالىقتار