جاپونيا استاناسىنا «مەاري» تايفۋنى سوعۋى مۇمكىن
13 تامىز 09:12

جاپونيا استاناسىنا «مەاري» تايفۋنى سوعۋى مۇمكىن

بەيجىڭ. قازاقپارات - «مەاري» تايفۋنى جاپونيانىڭ توكيوعا جاقىن ماڭداعى تىنىق مۇحيتىنا جاعالاۋىنا سوعۋى ىقتيمال.

بۇل تۋرالى ۇلتتىق مەتەورولوگيالىق اگەنتتىگىنەن ءمالىم بولدى، دەپ حابارلايدى قازاقپارات Kyodonews اگەنتتىگىنە سىلتەمە جاساپ.

ۇلتتىق مەتەورولوگيالىق باسقارما مالىمەتتەرى بويىنشا، «مەاري» تايفۋنى سالدارىنان جاپونيانىڭ ورتالىق اۋداندارىنا 300 م ل جاۋىن جاۋۋى مۇمكىن. سونىڭ سالدارىنان كوشكىن ءجۇرىپ، سۋ تاسقىنى بولۋى ىقتيمال.

سينوپتيكتەردىڭ مالىمەتىنشە، تايفۋن جاپونيا جاعالاۋلارىنا جاقىنداعان سايىن جىلدامدىعى سەكۋندىنا 30 مەتر بولاتىن كۇشتى جەل تۇرىپ، سونىڭ سالدارىنان تەڭىز تولقۋى مۇمكىن.

تايفۋن ساعاتىنا 15 ك م جىلدامدىقپەن جىلجىپ كەلەدى، ونىڭ ەپيتسەنترىندەگى جىلدامدىق سەكۋندىنا 25مەتردى قۇرايدى.

جايسىز مەتەورولوگيالىق جاعدايعا بايلانىستى ەلدىڭ ەڭ ءىرى جۇك تاسىمالداۋشىلارىنىڭ ءبىرى تايفۋن ءوتۋى ىقتيمال ايماقتان كەمىندە 10 رەيستى توقتاتقان. سونداي- اق پاروم جۇمىسى توقتاتىلىپ، تەمىرجول كولىكتەرىنىڭ جۇمىس كەستەسىندە وزگەرىس بولىپ، كەيبىرى كىدىرۋى مۇمكىن.

جاڭالىقتار