يسلاميادادا قازاقستاندىقتار مەدالدار سانى جونىنەن ءتورتىنشى ورىندا تۇر
13 تامىز 12:17

يسلاميادادا قازاقستاندىقتار مەدالدار سانى جونىنەن ءتورتىنشى ورىندا تۇر

نۇر- سۇلتان. قازاقپارات - تۇركيانىڭ كونيا قالاسىندا ءوتىپ جاتقان يسلام ىنتىماقتاستىعى ويىندارىندا جالپى كوماندالىق ەسەپتە قازاقستاندىق سپورتشىلار ءتورتىنشى ورىندا كەلەدى، دەپ حابارلايدى قازاقپارات ءتىلشىسى.

قازاقستاندىق سپورتشىلار قازىرگە دەيىن 36 مەدال ەنشىلەپ ۇلگەردى. ولاردىڭ 12 ءسى التىن، 5 ى كۇمىس، 19 ى قولا.

وتكەن تاۋلىكتە اۋىر اتلەت زۋلفيا چينشانلو (59 كەلى)، ايەلدەر كۇرەسىنەن ەلەنا شالىگينا (65 كەلى) چەمپيون تۇعىرىنا كوتەرىلدى.

ال تاەكۆاندودان 87 كەلىدە باۋىرجان حاسەنوۆ، گرەك- ريم كۇرەسىنەن 55 كەلىدە امانعالي بەكبولاتوۆ قولا جۇلدەگە قول جەتكىزدى.

سونداي- اق، سپورتتىق گيمناستيكادان ەل قۇراماسى اتالعان دودادا 3 كۇمىس، 1 قولا الدى.

جالپى كوماندالىق ەسەپتە تۇركيا 114 (41 التىن، 41 كۇمىس، 32 قولا)، يران 54 (22 التىن، 18 كۇمىس، 16 قولا)، وزبەكستان 53 (18 التىن، 14 كۇمىس، 21 قولا) مەدالمەن العاشقى ۇشتىكتە كەلەدى.

يسلام ىنتىماقتاستىعى ويىندارى 2005 -جىلدان بەرى تۇراقتى وتكىزىلىپ كەلەدى. بيىل بەسىنشى مارتە جالاۋىن جەلبىرەتتى.

بيىلعى دودادا 55 ەلدەن سپورتشىلار كەلدى. ويىندار 8-تامىزدا باستالدى. ول 18 -تامىزدا مارەسىنە جەتەدى.

جاڭالىقتار