بەلگىلى كۇيشى مۇقاش تاڭعىت ۇلى دۇنيەدەن وزدى
13 تامىز 17:51

بەلگىلى كۇيشى مۇقاش تاڭعىت ۇلى دۇنيەدەن وزدى

نۇر-سۇلتان. قازاقپارات - بەلگىلى كۇيشى، ىلە، التاي، تارباعاتاي كۇيشىلىك مەكتەبىنىڭ بەلدى وكىلى، شىعىستىڭ شەرتپە- توكپە كۇيلەرىن جالعاستىرۋشى، كۇي زەرتتەۋشىسى مۇقاش تاڭعىت ۇلى 2022 -جىلى 12-تامىز كۇنى ناۋقاس سەبەبىنەن، الماتىدا قايتىس بولدى، دەپ حابارلايدى قازاقپارات ءتىلشىسى.

بەلگىلى كۇيشى مۇقاش تاڭعىت ۇلى 1962 -جىلى 15-جەلتوقساندا ق ح ر-نىڭ شىڭجاڭ ولكەسى، تارباعاتاي ايماعىندا دۇنيەگە كەلگەن. 2003 -جىلى اتامەكەنگە قونىس اۋدارعان.

ول تاۋەلسىز قازاق ەلىنە كەلگەننەن بەرى شىعىستىڭ شەرتپە- توكپە كۇيلەرىنىڭ حالىق قازىناسىنا قوسىلۋىنا كوپتەگەن ەڭبەگىن ءسىڭىردى. اتالعان كۇيشىلىك مەكتەپ تۋرالى بىرنەشە زەرتتەۋ كىتابىنىڭ اۆتورى، «حالىق كۇيشىسى» توسبەلگىسىنىڭ يەگەرى، حالىقارالىق كۇيشىلەر وداعىنىڭ مۇشەسى، «شىعىس شەرتپەسى» انسامبلىنىڭ نەگىزىن قالاۋشى.


اۆتورى بەيسەن سۇلتان ۇلى

جاڭالىقتار