ءجىتىقارادا تاڭعاجايىپ ەكزوتيكالىق جەمىستەر وسىرىلەدى
14 تامىز 12:21

ءجىتىقارادا تاڭعاجايىپ ەكزوتيكالىق جەمىستەر وسىرىلەدى

نۇر-سۇلتان.قازاقپارات - قوستاناي وبلىسىنداعى ءجىتىقارا قالاسىندا تاڭعاجايىپ ەكزوتيكالىق جەمىستەر وسىرىلەدى.

جىلىجايدا العاش ەگىلگەن وسىمدىكتىڭ ءبىرى لاۆر جاپىراعى. بيىكتىگى جەتى مەتردەن اسادى. سونىمەن قاتار لايم اعاشتارى جەمىسىن توگىپ تۇر. باعباندار ءبىر گەكتار اۋماققا وسىمدىكتىڭ جۇزگە جۋىق ءتۇرىن جەرسىندىرگەن. ال قيار وندىرىستىك ماقساتتا ەگىلەدى. فلوريستەردى قىزىقتىراتىن سيرەك گۇلدەر دە جايقالىپ تۇر. جىلىجاي يەسى گۇلدەنگەن پيتاحايا جەمىسىن ەرەكشە ماقتان تۇتادى. «ايداھار كوزى» دەگەن ەكىنشى اتاۋعا يە وسىمدىكتىڭ وتانى امەريكا. جاقىندا جىلىجايعا تامشىلاتىپ سۋارۋ جۇيەسىن ەنگىزۋ جوسپارى بار.

سايان سايران، شارۋا:

- تامشىلاتىپ سۋارۋ جۇيەسىن ءبىز وسى اپتانىڭ سوڭىنا قاراي نە كەلەسى اپتادا ورناتۋعا كۇش سالامىز. سول سەبەپتى كەزەكتى گرافيكتەر جانە سۋارۋ سحەماسى تۇرعىزىلعان. الدىمىزدا يتاليان ءاسۇيىنىڭ تاعامدارىن دايىنداۋ ءۇشىن تولىقتاي تاعامدارىن ءوسىرۋ ماقساتىمىز بار.

www.24.kz

جاڭالىقتار