WhatsApp-عى توپتان جۇرتقا بايقاتپاي شىعىپ كەتۋگە بولا ما؟
18 مامىر 18:42

WhatsApp-عى توپتان جۇرتقا بايقاتپاي شىعىپ كەتۋگە بولا ما؟

نۇر-سۇلتان. قازاقپارات - WhatsApp مەسسەندجەرىندە جاڭا فۋنكسيا ىسكە قوسىلماق.

ول - توپتاردان جۇرتقا جاريا بولماي شىعۋ جولى.

ءدال قازىر مەسسەندجەردە توپتان شىعاتىن بولساڭىز، بولماسا بايقاۋسىزدا شىعىپ كەتسەڭىز، وندا سونداعى قولدانۋشىلاردىڭ ءبارى كورەدى. توپقا حابارلاما شىعادى. الداعى ۋاقىتتا جاريا بولماي شىعۋدىڭ دا جولى پايدا بولماق.

WABetaInfo پورتالى اقپاراتى بويىنشا، مەسسەندجەردىڭ كومپيۋتەرگە ارنالعان 2.2218.1 بەتا- نۇسقاسىندا بۇل فۋنكسيا ىسكە قوسىلىپ ۇلگەرگەن.

توپتان شىققانى تۋرالى حابارلامانى تەك توپتى باسقارۋشى ادميندەر عانا الادى.

WhatsApp مەسسەندجەرىندەگى جاڭا فۋنكسيا قاشان قولدانىسقا ەنگىزىلەتىنى ازىرگە بەلگىسىز. Android پەن iOS بازالارىندا دا سىناقتان ءوتۋى كەرەك.

ايتا كەتەيىك، وسىعان دەيىن WhatsApp ماماندارى توپتاعى تىركەلۋشىلەر سانىن 256 دان 512 گە دەيىن كوبەيتۋ جوسپارى بارىن حابارلاعان بولاتىن.

massaget.kz


جاڭالىقتار