Алматыда балабақша есепшісінің ірі көлемде ақша жымқырғаны анықталды
2022 жылғы 11 маусым 21:24

Алматыда балабақша есепшісінің ірі көлемде ақша жымқырғаны анықталды

АЛМАТЫ. ҚазАқпарат – Алматыдағы балабақшалардың бірінде ірі көлемде ақша жымқырған бас есепшіге қатысты сот шешімі шықты, деп хабарлайды ҚазАқпарат тілшісі.

Алматы қалалық Полиция департаментінің мәліметінше, жекеменшік балабақша бас есепшісінің аса ірі көлемде сеніп тапсырылған мүлкті жымқыру түріндегі ұрлық дерегі бойынша қылмыстық тергеу аяқталды.

Балабақша директоры Жетісу аудандық полиция басқармасының қызметкерлеріне алғыс білдірді.

«Іс сотқа берілді, сотталған адамға әділ жаза тағайындалып, келтірілген залалды өндіріп алу арқылы айыптау үкімі шығарылды. Тергеушілердің лауазымдық міндеттері мінсіз орындалды. Әділ және заңды тергеу бұл істі тоқтатуға мүмкіндік берді. Бухгалтерлік білімді меңгеру қиын болғанына қарамастан, тергеуші қылмыстық құқық бұзушылықты түсіне алды. Жұмыс толық көлемде жүргізілді», - деді балабақша директоры.


Ұқсас жаңалықтар

Jańalyqtar

Үрдіс

MURAǴAT