«Ауыл - табыс көзі» жобасы іске асырылады
2022 жылғы 28 сәуір 12:11

«Ауыл - табыс көзі» жобасы іске асырылады

НҰР-СҰЛТАН. ҚазАқпарат – «Ауыл - табыс көзі» жобасы іске асырылады. Бұл туралы Халықтың табысын арттыру бағдарламасын таныстырған ҚР Премьер-Министрінің орынбасары Ералы Тоғжанов айтты, деп хабарлайды ҚазАқпарат тілшісі.

«Ауыл халқын жұмыспен қамту әсіресе облыс, аудан, оның ішінде ауыл әкімдерінің басты міндеттері екені белгілі. Халқымызда «Ауылы бүтінді – аман де, Елі бүтінді – есен де» деген аталы сөз бар. Сондықтан ауыл тұрғындары үшін жұмыс орындарын құру, оған жағдай жасау керек. Бірақ, ол оңай жұмыс емес. Дегенмен, оны шешуге бел шеше кірісуіміз қажет. Осылайша, ауыл тұрғындарының үй шаруашылығы деңгейіндегі табысын арттыруға тиіспіз. Оған мүмкіндік бар, ел болып атсалысуымыз керек», - деді Үкімет басшысының орынбасары Орталық коммуникациялар қызметіндегі баспасөз мәслихатында.

Оның атап өтуінше, Ақмола облысының Қарабұлақ ауылындағы 4 үй шаруашылығын біріктіретін «Ар-Ай» ауыл шаруашылығы өндірістік кооперативі көкөніс дақылдарын өсіріп қасындағы Степногорск қаласын қамтамасыз етіп отыр. Ал Жамбыл облысының Қордай ауданында 17 үй шаруашылығын іріктіретін «Экочикен» ауыл шаруашылығы өндірістік кооперативі тауық етін өндіру көлемін бір жыл ішінде

147 тоннадан 336 тоннаға дейін арттырған.

«Бағдарлама аясында «Ауыл - табыс көзі» жобасын іске асырамыз. Ол жерде үй шаруашылығы кооперативтеріне біріктіру негізгі мақсаттарымыздың бірі болады. Әрбір мұндай кооперативтке мемлекет көмек көрсетеді. Бұл оңай емес. Оған халық атсалу тиіс. Ниеттенген азаматтарға нақты көмек болатындығын атап өткім келеді», - деді Ералы Тоғжанов.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT