Биыл шегірткеге қарсы күреске 2,5 млрд теңге жұмсалады
2022 жылғы 21 маусым 15:35

Биыл шегірткеге қарсы күреске 2,5 млрд теңге жұмсалады

НҰР-СҰЛТАН. ҚазАқпарат – Биыл зиянкес шегірткемен күрес шараларына республикалық және жергілікті бюджеттерден 2,5 млрд теңге жұмсалады, деп хабарлайды ҚазАқпарат тілшісі.

Бұл туралы ҚР Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің төрағасы Алмабек Марс орталық коммуникациялар қызметінде өткен брифингіде айтты.

«Респбулика аумағында ерекше қауіпті организмнің 12 түрі, зиянды организмнің 5 түрі, карантиндік обьектілердің 14 түрі таралған. Шегірткелермен күресуге ерекше көңіл бөлінеді. Биыл үйірлі шегіртке 997 мың гектар аймаққа таралған. Оның ішінде италиялық прус – 760 мың, азиялық шегіртке 201 мың және марокко шегірткесі - 35 мың гектарға таралған. Сонымен қатар саяқ шегіртке зиянкестері 271 мың гектар алаңда байқалған. Жалпы шегірткелерге қарсы республика бюджетінен 1,9 млрд теңге, жергілікті бюджеттен 659 млн теңге бөлінді», - деді ол.

Айтуынша аталған қаражат пестицидтер мен химиялық өңдеу қызметтерін қажетті мөлшерде сатып алуға мүмкіндік берген.

«Үйірлі шегірткелерге қарсы өңдеу жұмыстарын тиімді жүргізу үшін әр түрлі топтағы пестицидтер сатып алынды. Облыс әкімдіктерімен бірлесіп, аймақ әкімдерінің орынбасаралары басқаратын жедел штабтар құрылды», - деді инспекция басшысы.

Бұған дейін хабарлағанымыздай, СҚО-да пестицид сақтау талабын бұзғандарға 7,5 млн теңге айыппұл салынды.


Серіктестер жаңалықтары

Jańalyqtar

Үрдіс

MURAǴAT