«Канело» Головкин туралы: Ол мықты, қауіпті боксшы
2022 жылғы 28 маусым 02:15

«Канело» Головкин туралы: Ол мықты, қауіпті боксшы

НҰР-СҰЛТАН. ҚазАқпарат – Мексикалық боксшы Сауль «Канело» Альварес баспасөз мәслихаты барысында алдағы жекпе-жегінде қарсылас болатын Қазақстан өкілі Геннадий Головкин туралы пікірін білдірді, деп хабарлайды ҚазАқпарат Sports.kz сайтына сілтеме жасап.

«Ол мықты боксшы, қауіпті боксшы – оған шүбә келтірмеймін. Бірақ жекпе-жектен күтерің бар болса, дәл мен сияқты, онда тәуекелге баруың керек. Мен мұны түсініп отырмын. Алайда қалағаныма қол жеткізгім келсе, тәуекелге баруым қажет», - деді «Канело».

Сондай-ақ осы баспасөз мәслихатында Сауль Альварес Қазақстан боксшысын нокаутқа жіберетінін айтқан еді. Одан екі күн бұрын Головкин де өзін екіжүзді деп санайтын мексикалыққа тілшілер алдында жауап қайтарды.

Еске салайық, Головкин-Альварес үшінші жекпе-жегі биылғы 17 қарашада Лас-Вегас (АҚШ) қаласындағы T-Mobile Arena-да өтеді.

2017 жылы өткен алғашқы айқас тең аяқталды. Рематчта төрешілердің басым дауысымен жеңіс «Канелоға» берілді. Бұл жолы кездесу суперорта салмақта өтеді. Бұл дисциплинада Альварес абсолютті чемпион болып табылады.

Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT