Қаңтар оқиғасына қатысты деген күдікпен 25 адамды қызған үтікпен азаптаған
2022 жылғы 20 маусым 16:27

Қаңтар оқиғасына қатысты деген күдікпен 25 адамды қызған үтікпен азаптаған

НҰР-СҰЛТАН. ҚазАқпарат – Қаңтар оқиғасынан кейін 25 адам қызған үтікпен азаптауға ұшыраған. Бұл туралы ҚР Бас прокуратурасы 1-қызмет бастығы Cерік Шалабаев айтты, деп хабарлайды ҚазАқпарат тілшісі.

«Рұқсат етілмеген тергеу әдістері фактілерімен тіркелген қылмыстық істерге ерекше назар аударылуда. Қазіргі уақытта 8 резонансты істі арнайы прокурорлар тергеп жатыр. Бұл істер бойынша 15 құқық қорғау және арнайы органдардың қызметкерлері күдікті ретінде танылды, оның 9-ы қамауда. Атап айтқанда, Алматы облысында қызған үтікті пайдалану арқылы азаптау ісі бойынша 25 адам жәбірленгені анықталды. Барлық арызданушылар азаптауды қолданудың ұқсас тәсілін сипаттады», - деді ол Орталық коммуникациялар қызметіндегі брифинг барысында.

Серік Шалабаевтың айтуынша, жедел-тергеу әрекеттердің нәтижесінде арнайы прокурорлар 5 полиция қызметкерінің үтікпен азаптауға қатысы бар екендігі анықталған. Олардың үшеуі кінәсін мойындап отыр.

«Ұлттық қауіпсіздік комитеті Алматы облыстық департаментінің екі қызметкеріне қатысты тергеу әрекеттерін аяқтадық. Олар ұсталған адамды ұрып-соғып, өлтірген деген күдікке ілінді», - деді қызмет бастығы.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT