Қарағанды облысында бала құқықтары жөніндегі уәкіл тағайындалды
2022 жылғы 11 тамыз 13:04

Қарағанды облысында бала құқықтары жөніндегі уәкіл тағайындалды

ҚАРАҒАНДЫ. ҚазАқпарат – Қарағанды облысында қоғамдық бастамаларда бала құқықтары жөніндегі уәкіл тағайындалды. Бұл қызметті Ирина Киселева атқарады, деп хабарлайды ҚазАқпарат тілшісі.

Жаңа тағайындау туралы өзінің Facebook парақшасында Қарағанды облысы білім басқармасының басшысы Гүлсім Қожахметова хабарлады.

«Мемлекет басшысы жариялаған балалар жылын өткізу аясында Қарағанды облысының әкімдігі қоғамдық бастамаларда бала құқықтары жөніндегі уәкіл лауазымын енгізді. Бұл лауазымға Киселева Ирина Болеславовна тағайындалды. Бала құқықтары жөніндегі уәкілдің негізгі міндеттері Мемлекеттік және қоғамдық институттармен өзара іс – қимыл жасай отырып, балалардың құқықтары мен заңды мүдделерінің кепілдіктерін қамтамасыз ету болып табылады», – деп жазды Гүлсім Қожахметова.

Балалардың құқықтарын қорғау мәселелері бойынша азаматтардың өтініштерін қабылдау және қарау сейсенбі күндері сағат 09:00-ден 18:00-ге дейін Қарағанды қаласы, Әлиханов көшесі, 19, 18-кабинет мекенжайы бойынша жүргізіледі.

Сондай-ақ, қызықтыратын сұрақтар бойынша (8-7212) 255-065, 8-701-444-39-74 телефондары, Instagram, Facebook әлеуметтік желілерінде bala_gorgau_uakili_krg аккаунты арқылы хабарласуға болады.


Фото: facebook.com/Гульсум Кожахметова


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT