Қарулы күштердің жас сарбаздары әскери ант берді
2022 жылғы 12 маусым 17:12

Қарулы күштердің жас сарбаздары әскери ант берді

НҰР-СҰЛТАН. ҚазАқпарат - Әскери теңіз күштерінің, «Шығыс» және «Астана» өңірлік қолбасшылықтарының 1 300-ден астам әскери қызметшісі салтанатты түрде Отан алдында адал қызмет етуге ант берді, деп хабарлайды ҚазАқпарат ҚР Қорғаныс министрлігінің баспасөз қызметіне сілтеме жасап.

Салтанатты шара жас жауынгерлердің туған-туыстарының, қоғам өкілдерінің, Қарулы күштер ардагерлерінің қатысуымен өтті. Жас жауынгерлерді осы атаулы күнмен құттықтау кезінде, әскери қызмет – бұл әрбір жауынгерге жүктелген құрметті міндет және зор жауапкершілік екені айтылды.

«Әскердегі бір айдың ішінде көп нәрсені ойыма түйдім. Отанды қорғау – ол нағыз ер жігіттің міндеті екенін түсіндім. Мен осы уақыт ішінде дене даярлығымды шыңдап, өз ісіме жауап беріп, мықты бола білдім. «Ант» сөзін мен шын жүректен, ұғынып айттым және әскери міндетімді бар жан-тәніммен орындаймын. Теңізге шығуды асыға күтемін, ол жердегі қызметім қызықты өтетініне сенімдімін», – деді Нұр-Сұлтан қаласынан Әскери-теңіз күштеріне шақырылған матрос Абылайхан Әділ.

Ант қабылдаған соң әскери қызметшілер жас жауынгер курсында үйренген қаруды қолдану, саптық дайындық және жекпе-жек тәсілдерін көрсетті.

Салтанатты рәсімдерден кейін іс-шараның қонақтары мен сарбаздардың ата-аналарына жас жауынгерлердің оқу сыныптары, казармалары, асхана мен спорт залдары көрсетіліп, әскери бөлімдерге экскурсия ұйымдастырылды.

Бөлім командирлері сарбаздардың ата-аналарымен әңгімелесіп, қызықтырған сұрақтарына жауап берді.


Серіктестер жаңалықтары

Jańalyqtar

Үрдіс

MURAǴAT