Қостанай облысында апатты және үш ауысымды мектеп жоқ - Мұхамбетов
2022 жылғы 22 маусым 15:45

Қостанай облысында апатты және үш ауысымды мектеп жоқ - Мұхамбетов

НҰР-СҰЛТАН. ҚазАқпарат – Қостанай облысында апатты және үш ауысымды мектеп жоқ. Бұл туралы Қостанай облысының әкімі Архимед Мұхамбетов айтты, деп хабарлайды ҚазАқпарат тілшісі.

«Облыста апатты және үш ауысымды мектеп жоқ екендігін атап өткім келеді. 78 білім беру нысанында күрделі және ағымдық жөндеу жұмыстары жүргізіліп жатыр», - деді өңір әкімі Орталық коммуникациялар қызметіндегі баспасөз мәслихатында.

Оның атап өтуінше, білім беру мекемелерінің материалдық-техникалық базасын жақсарту жұмыстары жалғасып жатыр.

«Осы мақсатқа 2,6 млрд теңге көзделіп отыр. Аталған қаражатқа спорттық жабдықтармен жарақтандыру қамтамасыз етіледі. Оқушы жиһазы жаңартылады. Оқу кабинеттері, STEM зертханалар, блокты-модульдік қазандық және қазандар, турникеттер мен бейнебақылау жүйелері, оқу зертханалары және тағы басқалар сатып алынады», - деді Архимед Мұхамбетов.


Ұқсас жаңалықтар

Jańalyqtar

Үрдіс

MURAǴAT