Нұр-Сұлтан-Павлодар трассасында ер адам көлік ішінде жанып кетті
2022 жылғы 29 маусым 02:01

Нұр-Сұлтан-Павлодар трассасында ер адам көлік ішінде жанып кетті

ПАВЛОДАР. ҚазАқпарат – Павлодар облысында жол-көлік оқиғасынан екі адам зардап шегіп, бір адам қаза болды, деп хабарлайды ҚазАқпарат Pavlodarnews.kz сайтына сілтеме жасап.

Жол апаты 28 маусым күні «Нұр-Сұлтан-Павлодар» тасжолында, Пограничник және Спутник ауылдарының арасында болған.

Жеңіл көліктің жүргізушісі қарсы бағытта келе жатқан КамАз-бен соқтығысқан. Соққы салдарынан жеңіл көлік жана бастаған. Екі адам ауруханаға түсіп, бір адам көлік ішінде жанып кетті.

«Аталған факті бойынша полиция ҚР Қылмыстық кодексінің 345-бабы бойынша сотқа дейінгі тергеуді бастады. Сараптамалар тағайындалды», - деді облыстық Полиция департаментінің баспасөз қызметінен.

Облыстық денсаулық сақтау басқармасының мәліметінше, көлік ішінде жанып кеткен жолаушының тұлғасын анықтау мүмкін болмаған. Себебі ол машинаға жолшыбай мінген.

«1987 жылы туған ер адам омыртқа сүйегінің сынуы диагнозымен, 1999 жылы туған ер адам жабық бас миының жарақаты, бетінің жыртылған жарақаты диагнозымен Павлодар қаласының №1 ауруханасына жеткізілді. Үшінші адам «inDriver» қосымшасымен көлікке отырған жолаушы. Ол толығымен жанып кеткендіктен, кім екенін анықтау мүмкін болмады», - деді басқармадан.

Жол апаты болған жерге жедел жәрдемнің екі тобы шығып, қызмет көрсеткен.


Ұқсас жаңалықтар
ШҚО тұрғындарының пештегі тамақты ұмыт қалдыруы салдарынан 57 рет өрт болған
2022 жылғы 11 тамыз 04:31

ШҚО тұрғындарының пештегі тамақты ұмыт қалдыруы салдарынан 57 рет өрт болған

ӨСКЕМЕН. ҚазАқпарат – Шығыс Қазақстан облысында жыл басынан бері тұрғындардың пештегі тамақты ұмыт қалдыруы салдарынан 57 рет өрт шықты, деп хабарлайды ҚазАқпарат тілшісі.

ШҚО ТЖД баспасөз қызметінің мәліметіне сүйенсек, Өскеменде Қабанбай батыр көшесіндегі үйде пешке қойылып ұмытылып кеткен тамақ өрттің шығуына себеп болды. Сол кезде үй иесі ұйықтап жатқан. Оқиға орнына шұғыл келіп жеткен өрт сөндірушілер қызыл жалынды толықтай ауыздықтады.

«2022 жылдың басынан бері құтқарушылар осындай жағдайларға 57 рет барды. Пеште тамақты ұмыт қалдыру өте қауіпті. Балалар, қарттар, тыныс алуы аурулары бар адамдар түтіннен зардап шегеді. Тамақты пешке қойып ұйықтап жатқан азамат ешқашан оянбай қалуы мүмкін», - деп ескертті құтқарушылар.

Пешке тамақ қойып ұмыт қалдырғаны салдарынан өрт шықса ҚР ӘҚБтК-нің 410-бабы бойынша ескерту жасалып немесе жеке тұлғаларға 5 АЕК мөлшерінде айыппұл салынады.


Ақтауда рұқсат етілмеген жерде суға шомылған екі бала құтқарылды
2022 жылғы 10 тамыз 23:30

Ақтауда рұқсат етілмеген жерде суға шомылған екі бала құтқарылды

АҚТАУ.ҚазАқпарат – Ақтауда 11 жасар ұл мен қызды құтқарушылар судан алып шықты,- деп хабарлайды ҚазАқпарат тілшісі.

Оқиға 9 тамыз кешкі мезгілде болған.

«Ақтау қаласы Каспий теңізінің 4 «а» шағын ауданы маңында Маңғыстау облысы Төтенше жағдайлар департаменті Жедел құтқару жасағының қызметкерлері 2011 жылы туған ұл мен қыз баланы судан құтқарып қалды. Олар тыйым салынған жерде шомылып жүрген» делінген департаменттің баспасөз мәліметінде.

Балаларға медициналық көмек қажет болмаған.

Айта кетейік, өткен аптада Ақтаудан 43 шақырым жерде рұқсат етілмеген жерде шомылып жүрген 3 жігіт суға батып кеткен еді.


Павлодарда жедел сатыға қолын қысып алған азамат ғимаратқа заңсыз кіруге тырысқан
2022 жылғы 10 тамыз 22:48

Павлодарда жедел сатыға қолын қысып алған азамат ғимаратқа заңсыз кіруге тырысқан

НҰР-СҰЛТАН. ҚазАқпарат - Павлодарда жедел сатыға қолын қысып алған азамат ғимаратқа заңсыз кіруге тырысқан. Бос ғимаратқа рұқсатсыз кірмек болған азамат 27 жастағы қала тұрғыны, деп хабарлайды Pavlodarnews.kz тілшісі.

Бұл туралы Павлодар облыстық полиция департаментінің баспасөз қызметі мәлімдеді.

- Бүгін яғни 10 тамыз күні Олжабай батыр көшесі, 41 мекенжайында орналасқан ғимараттың лифті шахтасында ер адамның қолы қысылып тұрғаны туралы қоңырау келіп түсті. 5 қабатты бос ғимараттың төбесінде, жүк лифтінің шахтасында кабель мен төсек арасында ер адамның оң қолы (білегін) қысылып қалғаны анықталды. Құтқарушылар лифт қызметінің қызметкерлерімен бірге 27 жастағы қала тұрғынын құтқарды, - делінген хабарламада.


Полицейлер қала тұрғынының ғимаратқа заңсыз кіруге тырысқан кезде қолын қысқанын анықтады.





Фото: pavlodarnews.kz


Jańalyqtar

Үрдіс

MURAǴAT