Оралда салынып жатқан құрылыс нысанынан ер адамның мүрдесі табылды
2022 жылғы 20 маусым 22:51

Оралда салынып жатқан құрылыс нысанынан ер адамның мүрдесі табылды

ОРАЛ. ҚазАқпарат – Оралда салынып жатқан құрылыс нысанынан ер адамның мүрдесі табылды, деп хабарлайды ҚазАқпарат тілшісі.

БҚО полиция департаментінің баспасөз қызметінен түскен мәліметке қарағанда, оқиға 19 маусым күні кешкісін Зачаган кентінде болды.

«Сағат 21.41-де Е.Брусиловский көшесі 42-мекенжайдағы құрылыс орнынан 1972 жылғы ер адамның зорлықпен өлтірілген денесі табылды. Мүрде сот-медициналық сараптамаға жіберілді. Қазіргі кезде осы дерек бойынша ҚР ҚК 99-бабына (адам өлтіру) сәйкес сотқа дейінгі тергеу амалдары жүргізілуде. Оқиғаның мән-жайы анықталып жатыр», деп хабарлады ведомстводан.

Еске сала кетейік, бұдан бұрын Оралда жол апатынан 34 жастағы мотоциклшінің көз жұмғанын жазған болатынбыз.


Ұқсас жаңалықтар

Jańalyqtar

Үрдіс

MURAǴAT