Оралда үшінші қабаттан құлап кеткен 4 жасар бала ауруханаға жатқызылды
2022 жылғы 23 маусым 15:47

Оралда үшінші қабаттан құлап кеткен 4 жасар бала ауруханаға жатқызылды

ОРАЛ. ҚазАқпарат - Оралда үшінші қабаттан құлап 4 жасар бала ауруханаға жатқызылды, деп хабарлайды ҚазАқпарат тілшісі.

БҚО ТЖ департаментінің баспасөз қызметінен түскен мәліметке қарағанда, оқиға бүгін сағат 12.23-те «Құрылысшы» шағын ауданындағы тоғыз қабатты үйде болды.

«Ата-аналардың қарауынсыз қалған 4 жасар бала үшінші қабат терезесінен құлап кетті. Алдын ала мәлімет бойынша жабық бас-ми жарақатын алып, миы шайқалған. Оған қоса самай тұсынан, ішінен жарақат алған. Қазіргі кезде ауруханаға жатқан баланың жай-күйі анықталу үстінде. ТЖ департаменті ата-аналарға кішкентай балаларын қараусыз қалдырмау керектігін еске салады», деп хабарлады ведомстводан.

Еске сала кетейік, бұдан бұрын БҚО-да көлде жоғалып кеткен 8 жасар бала мен оның атасы ұшақпен іздестіріліп жатқанын жазған болатынбыз.

Сондай-ақ БҚО-да жоғалып кеткен ер адам 10 күннен бері іздестіріліп жатыр.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT