Павлодар облысы мәдениет басқармасының басшысы тергеліп жатыр
2022 жылғы 15 маусым 17:48

Павлодар облысы мәдениет басқармасының басшысы тергеліп жатыр

ПАВЛОДАР. ҚазАқпарат – Павлодар облысында Мәдениет, тілдерді дамыту және архив ісі басқармасының басшысына қатысты сотқа дейінгі тергеу басталды. Мемлекеттік қызметші мемлекеттік сатып алу туралы шарт жасасқаны және орындалған жұмыстар актісіне кедергісіз қол қойғаны үшін кәсіпкерден пара алды деген күдікке ілінді, деп хабарлайды ҚазАқпарат тілшісі.

«Павлодар облыстық сыбайлас жемқорлыққа қарсы қызмет «Облыс әкімдігінің мәдениет, тілдерді дамыту және мұрағат ісі басқармасы» ММ басшысына қатысты мемлекеттік сатып алу туралы шарт жасағаны және атқарылған жұмыстар актісіне кедергісіз қол қойғаны үшін кәсіпкерден пара алды деген күдікпен сотқа дейінгі тергеуді бастады», - деді ведомстводан.

Күдіктінің кінәсіне қатысты толық шешім тергеу нәтижесі бойынша қабылданады.

«Қосымша ақпарат Қылмыстық-процессуалдық кодекстің 201-бабына сәйкес жарияланбайды», - деді Антикордан.


Ұқсас жаңалықтар

Jańalyqtar

Үрдіс

MURAǴAT